Santiago de Compostela, 9 de xullo 2020.- Tras suspender fai unha semana toda os actos presenciais de campaña na Mariña polo rebrote, a candidata á Presidencia, Ana Pontón, participou nun mitin virtual dirixido á veciñanza desta comarca no que tamén participaron a cabeza de lista por Lugo, Olalla Rodil, o número dous, Daniel Castro, a alcaldesa de Barreiros, Ana Hermida, e o deputado Nestor Rego.
Nese encontro telemático Pontón enviou palabras de afecto e de ánimo a todas as persoas contaxiadas polo virus, ás que están confinadas nas súas casas e ao conxunto da comarca, “nus momentos duros pero dos que sairá máis fortalecida”, destacou, tras subliñar a capacidade de “plantar cara á adversidade”.
Fronte á exemplaridade do pobo galego, a candidata do BNG contrapuxo a actitude do candidato do PP, entre a irresponsabilidade e a mentira, tentando minimizar o rebrote da COVID19 por puro interese electoral e sen importarlle que estea en xogo a saúde das persoas. Por iso, pediu “dar un golpe na mesa” o 12X “para dicir que A Mariña existe.
“Temos que deixar atrás esa irresponsabilidade e as mentiras do PP porque non podemos aceptalo como sociedade”, recalcou, “o domingo está en xogo o futuro desta comarca, pero no BNG temos alternativas para salvar a economía e o emprego na Mariña fronte ao inútil pim-pam-pum do PP desde a Xunta e do PSOE desde o Goberno do Estado”. Neste sentido, anunciou que se ten a confianza para ser a próxima presidenta, no primeiro consello da Xunta que se celebre aprobará o Plan A Mariña.
Un plan que incluirá dúas medidas: fixará a cantidade que aportaría a Xunta para a intervención de ALCOA-San Cibrao, de cara á nacionalización para salvar o emprego e a produción nun sector estratéxico e, a segunda medida, un plan de rescate do sector turístico que abarque tamén á hostalería. “Feixóo deixou caer A Mariña, pero o goberno que aspiro a liderar vaille dar futuro a esa comarca”, destacou no mitin virtual.
Pontón tamén foi moi clara no seu apoio á sanidade pública na Mariña, comprometéndose a reverter os recortes e as privatizacións na área sanitaria e dotala do persoal e dos medios necesarios para contar cunha sanidade de calidade.
“O 12 de xullo A Mariña ten que responder nas urnas, porque os que nós están mentindo, os que están tentando tapar a situación non poden saírse coa súa”, alegou, “é o momento de volver demostrar a dignidade dunha comarca farta de discriminacións, farta de ver como o seu futuro esta en perigo mentres nin o PP na Xunta nin o PSOE no Goberno do Estado fan nada”.
Por iso, recalcou, “deben ter nas urnas a resposta contundente que se merecen e, por iso, pido o apoio para o BNG porque somos a candidatura que ten un proxecto para erguer esta comarca, enchamos as urnas de votos BNG para pararlle os pés ás mentiras e ao esquecemento do PP, para darlle un futuro A Mariña e para facer historia confiando nas nosas propias forzas e poñendo por primeira vez unha muller na Presidencia”, concluíu.
O espírito forte e incombustible dunha comarca
A candidata por Lugo, Olalla Rodil, apelou ao espírito dunha comarca “forte, incombustible, como o que vimos estas semanas nas manifestacións polo futuro da produción de aluminio en San Cibrao” para chamar á mobilización o 12X.
“Se a pesar do brote e da situación que se está producindo na Mariña, o PP insiste en que votemos este domingo, temos que converter a xornada electoral nun acto de dignidade colectiva, nun berro e nun clamor masivo polos dereitos da comarca: polo dereito a unha área sanitaria propia e aos recursos necesarios para o Hospital Público da Mariña, polo dereito a unhas infraestruturas do século XXI e polo dereito a vivir e a traballar na casa”
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
