Burela, 20 de xullo de 2020. O alcalde, Alfredo Llano, subliñou o descenso de casos positivos de coronavirus na localidade. A día de hoxe son 53 e o rexedor agarda que as restricións de mobilidade se poidan levantar o vindeiro xoves, de xeito que A Mariña se incorpore canto antes á nova normalidade.
Alfredo Llano pensa que “esta evolución é froito de como se están facendo as cousas, o ben que se están levando desde o Hospital e tamén desde o Concello, que está tratando de colaborar en todo aquilo que se lle pide para que a situación mellore, en todos os aspectos, pero sobre todo neste brote de coronavirus que levamos tendo desde xuño e en xullo”.
O alcalde burelés contou que “hoxe se ven confirmar a tendencia que imos tendo os últimos días, temos 53 casos positivos en Burela, en toda A Mariña hai 86, polo tanto se reduciu bastante con respecto aos que tiñamos antonte. Teño que dicir que dalgunha maneira se está notando que se están facendo as cousas ben, que se están levando con rigor que é como debe ser. É certo que está afectando moitísimo á situación socioeconómica, pero tamén hai que ver en positivo que a xente está tomando conciencia e que se está comportando dunha maneira axeitada. Si seguimos así penso que sairemos con certo éxito, posto que damos a confianza de que se está afrontando a situación con moito rigor e moita seriedade. Isto é algo que vai afectar, está afectando e afectará no futuro, pero se facemos ben as cousas penso que esa confianza vai ser fundamental para que a xente veña por aquí, entre nosoutros tamén aportemos o mellor de nós, facer de Burela un concello seguro, que dea confianza para ter xente e seguir avanzando na situación socioeconómica, que boa falta nos fai”.
O rexedor engadiu: “agora hai que agardar ata o mércores, xornada na que se tomará unha decisión a través do comité clínico, que é o que vai decidir en base aos datos que imos tendo, e tomará unha decisión con respecto ao confinamento e ás medidas que estamos tendo agora mesmo. Eu confío en que o mércores, se isto segue así, teñamos unha boa noticia para Burela e para A Mariña en xeral. Espero que recuperemos toda a normalidade que había antes de que se tomaran estas medidas do confinamento. Evidentemente hai que ter en conta a experiencia que estamos tendo estes días para garantir que isto siga así durante moito tempo, que vaian desaparecendo os brotes e que vaia desaparecendo a presenza do virus, iso sería fundamental pero temos que ter todos unha corresponsabilidade como estamos tendo. O mércores tomarase a decisión e espero que Burela tamén se incorpore á normalidade para que se vaia recuperando a situación, dar a confianza que necesitamos para que a xente acuda e entre todos comportarnos de tal maneira que esa confianza se traduza nunha convivencia total porque se están facendo as cousas ben, e espero que sigamos así”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
