Lugo, a 20 de xullo 2020. O Partido Popular de Foz considera que é imposible apoiar uns orzamentos con tantas contradicións e incumprimentos electorais dos dous partidos que forman o goberno e que son pouco comprometidos coa veciñanza e o tecido económico para saír da actual crise.
O Voceiro Popular, Javier Castiñeira, recorda cando o Sr Cajoto o criticaba por levar os orzamentos en Marzo, “chama a atención que agora co dobre de concelleiros e cunha dedicación exclusiva na concellería de facenda os traian en xullo”.
Ademais Castiñeira tilda estes orzamentos de “huraños e esquivos” que fuxiron do diálogo social e se presentaron pola porta de atrás sen mediar nin unha soa xunta de portavoces polo medio como se facía antes e omitindo o proceso participativo de veciños e asociacións que prometeron nas eleccións pasadas.
“Parécenos moi grave, que nos orzamentos non exista nin un so guiño ao tecido produtivo e empresarial focense, negan a rebaixa de impostos que prometeu o Psoe cando estaba na oposición e non contemplan un plan de axudas a pymes e autónomos focenses afectados pola crise como teñen outros concellos”.
Prosegue Castiñeira, “o colmo das contradicións e a subida respecto ao ano pasado das partidas para contratacións de empresas externas de servizos municipais e que tanto lle molestaban a Psoe e Bng. Suben concretamente as contratacións en capítulos coma a recollida de lixo, traballos no verán, cultura e deportes, turismo ou arranxo de camiños veciñais que socialistas e nacionalistas sempre suxerían facer directamente con persoal do Concello”.
“Chama tamén poderosamente a atención; a non ser que se trate de un erro de “copia pega” do ano pasado, que manteñan nos ingresos o cobro de 500.000 € polo canon de contratación da nova concesión do servizo de augas, saneamento e depuración cando ambos apostaban pola municipalización. E o que é peor,consideramos que é totalmente irreal posto que estando a piques de comezar o mes de agosto é practicamente imposible que poda ser cobrado este ano xa que eles mesmos paralizaron o proceso iniciado polo anterior goberno”.
En definitiva remata Castiñeira “temos un goberno que se contradí cada vez que fala, máis caro e menos cumpridor que o anterior e que se aproveita da folgada maioría para evitar o diálogo político e social que reinou nos últimos anos onde en maior ou menor medida sempre se negociaron nos orzamentos as propostas e suxerencias dos grupos da oposición”.
Sétimo día de concentracións en defensa dos pacientes da Mariña "e a situación, din, manténse como o primeiro día, con carencias graves de persoal facultativo especialista en dermatoloxía, neuroloxía, reumatoloxía, dixestivo, radioloxía, uroloxía, cardioloxía ou medicina interna".
Durante o seu percorrido pola feira, a conselleira puxo de relevo a importancia de eventos deste tipo que contribúen á dinamización das zonas rurais e, neste caso, a dar a coñecer o traballo que desenvolven estes artesáns do ferro.
O conselleiro do Mar asistiu ao xantar da III Festa das Xeracións na carpa da Praza dos Campos.
En total puxeron á venda 300 kgs de mexillóns na carpa instalada para a celebración deste evento gastronómico, que tivo por obxectivo poñer en valor un produto do mar como é o mexillón. A xornada contou con amenización musical. Ata Rinlo se achegaron o alcalde, Dani Vega, as concelleiras de Turismo, Cultura e Benestar Social, Marta Saiz, Begoña Sanjurjo e Elena Sierra, e o conselleiro do Mar, Alfonso Villares.
Tras o partido que se decidiu na tanda de penaltis a favor do equipo da Mariña, o responsable provincial valorou "o encontro como unha mostra do gran nivel do fútbol sala feminino na provincia con dous equipos que ofreceron unha gran espectáculo deportivo" e destacou "o bo ambiente no pavillón coas afeccións apoiando en todo momento ás súas xogadoras".
Chámase Jilgueritos e xa se integrou na Asociación de Comerciantes, Industriais, Servizos e Autónomos (ACISA) de Ribadeo.
Está fixada para as 20:00 horas en primeira convocatoria e media hora despois en segunda. A orde do día inclúe estes asuntos a tratar: lectura e aprobación, se procede, da acta da asemblea anterior; estado de contas da asociación; informe de actividades desenvolvidas; informe do director da Banda; e preguntas e suxestións.
