Burela, 24 de xuño, 2020. A Fundación Imdecum lembrou hoxe os Heroes do Orzán na praia do Cantiño, en Burela. Coincidindo co que debería ser o pistoletazo de saída para a novena edición do Memorial de fútbol sala base que todos os veráns reúne a preto dun milleiro de pequenos deportistas na Mariña, o areal recordou esta mañá a figura do policía Rodrigo Maseda Lozano, xunto á dos seus compañeiros José Antonio Villamor Vázquez e Javier López López.
O monolito en recordo de Rodrigo Maseda, que custodia O Cantiño dende abril de 2012, presidiu o acto de homenaxe. Xunto a Isabel Lozano, en representación das familias, e do presidente de Imdecum, Marcelino Luna, participaron o alcalde de Burela, Alfredo Llano, e o concelleiro de Deportes, Ramiro Fernández, ademais dos axentes Iván Castro e Cristina Saavedra da Comisaría de Policía de Viveiro, destino de Rodrigo na Mariña, e amigos do burelao.
Ao longo de cinco días, entre hoxe e o domingo, centos de nen@s entre as categorías de Prebenxamín e Xuvenil darían vida aos pavillóns e ás rúas de Burela -epicentro do torneo-, Foz, San Cibrao, Xove e Viveiro para disputar un torneo que dende hai oito anos rende homenaxe á memoria dos policías nacionais que perderon a vida na praia do Orzán nunha tentativa de rescate. “Esta semana as vilas mariñás estarían repletas de pequenas promesas do fútbol sala que ano tras ano veñen á bisbarra non só para disfrutar do deporte senón tamén para disfrutar da nosa terra xunto ás súas familias. Este ano a pandemia non o permitiu, pero agardamos retomalo o vindeiro ano con máis ganas e ilusión aínda” explicaba o presidente de Imdecum, Marcelino Luna, adiantando ademais a posibilidade na que está traballando a Fundación “para organizar un evento máis reducido, a nivel comarcal ou provincial, para o mes de setembro, sempre que as medidas sanitarias o permitan”. Isabel Lozano mostrou o agradecemento das familias por continuar homenaxeando deste xeito tan fermoso a memoria dos seus fillos: “Para o meu Rodrigo O Cantiño era a mellor praia do Caribe, era o seu lugar especial, e por iso para min ten un sitio moi importante no corazón, cun monolito que mantén vivo o seu recordo, acompañado por unha roseira que plantou o meu marido xa hai oito anos e que todos os veciños de Burela coidan coma se fora súa” explicaba a mai de Rodrigo Maseda desexando “volver atoparnos o vindeiro ano con todos eses pequenos que dan alegría ao torneo”, coincidindo neste senso co alcalde, Alfredo Llano, que ademais destacou o “gran valor da solidariedade exemplificada en Rodrigo, José Antonio e Javier como o espello para os máis pequenos, cobrando aínda máis importancia despois da extrema situación do Covid-19” e amosou compromiso para que o evento siga medrando.
Datas para 2021
A organización xa ten datas para retomar o IX Memorial Heroes do Orzán co seu formato en estado puro, pero non será ata 2021, entre o 23 e o 27 de xuño. O mellor fútbol sala base volverá dar espectáculo ao longo da Mariña, nun evento que se converteu en toda unha referencia nas axendas de escolas e clubs de toda España. A Deputación de Lugo e os concellos de Burela, Foz, Cervo, Xove e Viveiro colaboran na iniciativa da Fundacion, que supón un revulsivo para o turismo da bisbarra no inicio da campaña estival.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
