Burela, 4 de xuño, 2020. O pasado 30 de Abril debatíase en pleno a aprobación do Plan Provincial Único, cunha proposta de alcaldía que para os nacionalistas non era útil para paliar a situación xerada polo Covid19, posto que era moi similar ó da anualidade anterior. En verbas do voceiro do BNG, Mario Pillado “conseguimos que se modificase o programa de investimentos, substituíndo a obra da segunda fase da rúa Rosalía de Castro, que cremos pode esperar, por outra da metade de importe e de moita maior urxencia coma da rúa Río Cobo, na que se van arranxar deficiencias que sofre a veciñanza a diario. Con esa diferencia de cartos vanse aumentar os programas de Servizo de Axuda no Fogar (SAF) ata os 40.000 euros e o programa creado nesta convocatoria para gastos derivados do Covid19 ata os 83.000 euros. Tamén se reduce a achega do concello ó plan de investimentos ó mínimo que marcan as bases da convocatoria”. Pillado indicou que “desta maneira cremos que se aproveitan de xeito mais eficiente os recursos que chegan da deputación provincial e se vai atender mellor as necesidades da veciñanza na situación de crise actual”.
Os orzamentos municipais incluirán este Plan Único para ampliar as políticas sociais.
O plan único engádese ós orzamentos municipais, que para os nacionalistas presentan luces e sombras. Para o voceiro nacionalista “son uns orzamentos que, tralo análise pormenorizado feito, nos deixan unha sensación agridoce. Cremos que existe moita incerteza para valorar o orzamentado pola situación derivada da pandemia; non se inclúe aínda a nova RPT, posto que non se aprobou aínda, co cal non se pode mellorala situación laboral dos traballadores municipais, tampouco se mellora a situación laboral na Escola de Música e nin sequera recibimos resposta ás nosas preguntas por escrito sobre o tema, non hai previsión sobre o servizo de socorrismo, a ocioteca ou os cursos do CIM nin observamos planificación nin previsión a nivel urbanístico en canto a humanización, mobilidade e seguridade viaria como vimos demandando…”.
No entanto, Mario Pillado valora que “se aumenta a área de gasto 2 de política social, nuns 280.000 euros, tamén se incrementa a área 4 no referente ó tecido comercial nuns 20.000 euros. Estes incrementos poden ir a mais de se incorporar no orzamento o superávit de 2019. Nos últimos anos víñamos reclamando que se axustara a área de gasto 1 referente a servizos públicos para poder destinar mais fondos a políticas sociais, de emprego e a nivel comercial. Tivo que vir unha pandemia para que se axustara o orzamento municipal e se nos dera a razón”. Continuou o voceiro nacionalista dicindo que “evidentemente tamén valoramos de forma positiva a inclusión deste Plan Único beneficioso para a veciñanza. En coherencia con toda a valoración que facemos cremos que o mais correcto é a abstención”.
As administracións esquecen Burela e iso acábao pagando a veciñanza.
Despois de analizar os orzamentos de ingresos o voceiro do BNG sinala que “a suma de impostos directos, indirectos e taxas vaise case ó 60% do orzamento, experimentando un aumento de 142.000 euros, 260.000 nos últimos dous anos. En canto as transferencias correntes doutras administracións obsérvase unha redución significativa nos últimos anos. En concreto a Xunta e o Estado reducen a súa achega ó concello en 273.000 con respecto ó ano anterior, 448.000 euros nos dous últimos anos. Isto significa que mentres as administracións esquecen e discriminan a Burela a veciñanza ten que pagar esa situación do seu peto, vía impostos. É curioso que logo na prensa vemos anuncios de grandes inversións e fondos para a vila, pero a realidade e que seguimos agardando por obras tan importantes coma o pavillón polideportivo ou, sobre todo, a EDAR, que xa leva moitos anos de atraso”
Para finalizar o voceiro do bloque, Mario Pillado concluíu que “como solicitamos vía moción, a derogación da Lei de Estabilidade orzamentaria e Sostibilidade financeira liberaría os remanentes municipais, que serían de moita utilidade para facer fronte á crise que comezamos a padecer. Xa que as administracións non cumpren con Burela, polo menos que permitan que empreguemos os nosos recursos”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
