Investidos 91.000 euros na pista de Ventoselle a Cortellos, en Xove

Xove, 12 de xuño, 2020. Acaba de rematar a obra de acondicionamento e mellora da pista de Ventoselle a Cortellos, na parroquia de A Rigueira de 1.412 metros de longo, a pista foi arranxada pola empresa Cazás, consistindo no ampliado da pista, dotándoa dun ancho variable de 3,5 a 4,5 metros.

Ademais, substituiuse o rego asfáltico por aglomerado en quente, dotándoa tamén de cunetas, perfiladas por un lateral e de formigón polo outro. Por último, procedeuse ao pintado da mesma.

Esta obra estaba incluída no PLAN DE MELLORA DE CAMIÑOS MUNICIPAIS 2019-2020, e contou cun presuposto de 91.032,89 €uros, dos cales 50.160 € foron aportados pola Axencia Galega de Desenvolvemento Rural (AGADER) e o resto polo propio Concello.