Ribadeo, 8 de xuño de 2020. Desde o 30 de marzo ata o 27 de abril de 2020 o Concello de Ribadeo destinou 32.550 euros aos 651 cheques que as familias máis vulnerables puideron canxear nos supermercados adheridos a esta campaña (Lidl, Día, Gadis, Eroski Center e Hipermercado Eroski) e na praza de abastos. En total foron 512 as persoas beneficiarias. Esta foi unha das actuacións de emerxencias social que o Concello levou adiante durante o estado de alarma “co fin de contribuír a que as persoas residentes no termo municipal de Ribadeo teñan cubertas as súas necesidades básicas”.
Durante todo este tempo o Concello continuou co programa de reparto de alimentos, a través do Banco de Alimentos municipal, “que se viu reforzado de xeito moi importante”. Na actualidade son 230 as familias que están a ser atendidas. Foron repartidos 16.451 quilos de diversos produtos que foron aportados pola Cruz Vermella e polo Banco de Alimentos: legumes, pastas, galletas, conservas, potitos, leite, aceite, froitas, queixo, patacas, pementos, tomates, cebolas, polo, magro de porco, entre outros. A maiores o Concello procedeu á compra e ao reparto doutros 18.999 quilos de alimentos, nos que investiu 30.463 euros: leite, café, legumes, fiambres, pastas, galletas, azucre, cereais, xamón, pavo, pescada, papillas, potitos, conservas ou produtos de limpeza, entre outros.
O alcalde, Fernando Suárez, tamén subliña que “desde o 1 de abril se están a facer desinfeccións semanais nas residencias de maiores de Ribadeo e desinfeccións periódicas nestes centros contratadas a Tragsa e a Lema. Tamén se realizan desinfeccións diarias no casco urbano da vila coa varredora, co camión de incendios e con sulfatadoras e desinfeccións puntuais nos cascos urbanos de Ribadeo e de Rinlo así coma o lavado dos contedores de recollida do lixo”.
E engade que “desde a declaración do estado de alarma se lle foi entregando todo o material de protección necesario aos traballadores municipais, principalmente máscaras, guantes de nitrilo e látex e xel hidroalcohólico, tanto individualmente como actuacións colectivas, dispoñendo dispensadores de xel nas distintas edificacións e instalacións municipais. Procedemos a entregar material no Hospital Asilo e no Centro de Atención a Persoas Maiores (nova residencia), así como ao persoal do CEIP Gregorio Sanz e do Xulgado de Paz. E a través da Policía Local foise facendo entrega de material de protección á veciñanza e aos diversos negocios esenciais que se encontraban abertos durante este tempo”.
Suárez Barcia tamén se refire ás facturas pagadas a provedores: “o procedemento de tramitación e pagamento da facturación por subministradores e contratistas no Concello desde o inicio do estado de alarma ata a actualidade seguiu a funcionar con normalidade, ou en todo caso coa normalidade que era de agardar nas circunstancias excepcionais nas que nos movemos. Desde o inicio deste 2020 e ata mediados de abril foron aprobadas 22 relacións de facturas, das que 12 corresponden a este prazo, por un importe de 546.000 euros”.
O rexedor di que o “o Concello interpretou a normativa tributaria e fiscal do xeito máis favorable para os nosos veciños e comerciantes” e alude ao decreto do 3 de abril “no que se entendía que non procedía esixir as taxas e/ou prezos públicos que gravan certas actividades ou servizos que presta o Concello de Ribadeo, ou as taxas pola utilización privativa ou aproveitamento especial do dominio público municipal en certos supostos como terrazas, mercados, escola de música, escolas deportivas, etc). Tampouco procedía esixir os importes correspondentes por actividades ou servizos que presta o Concello como a subministración de auga ou a recollida do lixo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
