Ribadeo, a 10 de xuño de 2020.- O voceiro do Grupo Municipal do Partido Popular de Ribadeo, Daniel Vega, lamenta que o Bloque Nacionalista Galego se negase, votando en contra, a impulsar unha estratexia económica que favoreza a reactivación do municipio. O tamén deputado autonómico critica que os nacionalistas se opuxesen así “a traballar entre todos para paliar os efectos da crise sanitaria”, sobre todo, indica, “porque hai orzamento, a través do Plan de Cooperación Local, do Plan Único, de todo aquelo que se recadou dos impostos e de todo o que se aforra nas festas que non se poden celebrar”. Neste senso, lembra que a proposta presentada estimaba que se podería destinar 1 millón de euros a axudar aos autónomos e ás familias que se viron afectadas por un ERTE.
O popular tilda, por tanto, de “lamentable” a posición do BNG e agradece que o PSOE “si entendese que esta estratexia é necesaria”. Con todo, apunta, “seguimos defendendo que para eses negocios que pecharon ten que haber unha axuda directa e que os traballadores afectados polos Expedientes Temporais de Emprego teñen que sentir a administración preto. Por iso, propoñiamos unha realidade con iniciativas para eles. Finalmente, o Sr. Suárez e o seu equipo dixeron que non. Agardo que llelo expliquen e que comecemos a traballar en serio por reactivar a economía local”, manifesta Vega.
As medidas, ao detalle
O Grupo Municipal do Partido Popular de Ribadeo solicitara este Pleno Extraordinario logo de que o goberno local obviase as propostas plantexadas por este Grupo o 20 e o 27 de marzo e o 15 de abril, co gallo do impacto económico que está a provocar a crise sanitaria do covid-19.
Nestes documentos propoñíanse accións socioeconómicas para actuar de maneira inmediata ante as consecuencias derivadas da pandemia e impulsar a actividade económica no termo municipal, outorgando liquidez ás empresas da vila para, contribuíndo a facilitar o cumprimento das súas obrigas empresariais, axudar ao mantemento da actividade e así acadar a debida protección do emprego. Son as seguintes:
1 Creación dunha comisión publico-privada que defina a extratexia a seguir.
2 Apoio a autónomos, pemes…a través dun gabinete técnico que asesore dende os puntos de vista financiero, xurídico, administrativo e fiscal en horario de mañá e tarde.
3 Axudas directas para persoas físicas e xurídicas con ou sen traballadores ao seu cargo cando a actividade que desenvolvan se tivese visto afectada polo peche de establecementos disposto no RD 465/2020 de 17 de marzo que modificou o artigo 10 do RD 463/2020 de 14 de marzo ou non sendo este o caso, que a actividade desenvolvida pola empresa sufra unha redución da súa facturación no mes anterior á solicitude desta subvención de polo menos o 50%, en relación coa media efectuada no semestre natural anterior á declaración do estado de alarma. Cando a persoa física ou xurídica non leve de alta os 6 meses naturais esixidos para acreditar a redución dos ingresos, a valoración levarase a cabo tendo en conta o período de actividade.
4 Axudas directas a aquelas persoas físicas, traballadores por conta allea que experimentaran unha merma nos seus ingresos a consecuencia de ser incluídos nun expediente de regulación temporal de emprego, ou tiveran a necesidade de solicitar excedencia ou redución de xornada para a atención de fillos menores de 12 anos aos que lles tivera afectado o peche dos centros educativos con motivo da crise sanitaria ocasionada polo Covid-19.
5 Adopción de acordos para o futuro:
Apoio e promoción do tecido empresarial de Ribadeo, coa creación dun portal web. Neste portal deben estar integrados o sector primario do concello e o comercio local respaldados por una rede loxística de reparto, así coma o sector servizos (hostelería, restauración, hospedería, ocio…).
Apoio ao emprendemento e a instalación de novas empresas cunha simplificación dos trámites, un forte asesoramento e medidas fiscais que favorezan a creación de novo tecido empresarial.
Reclamación ao Goberno central o IVE adeudado ao concello.
Esixencia a SEPES da redución do coste das parcelas do polígono industrial para favorecer a implantación de empresas.
Apoio á organización de actividades culturais, deportivas e lúdicas ao longo de todo o ano cunha planificación que, ao mesmo tempo que congrega aos ribadenses, atraia visitantes, desestacionalizando o turismo.
Plan Especial de Protección das Catedrais
Na sesión celebrada na tarde-noite de onte tamén se aprobou o Plan Especial de Protección das Catedrais, que vai a protexer o monumento e o uso agropecuario da zona. “Ábrese así un novo camiño. Temos un marco legal e agora temos que pedir a colaboración á Deputación, ao Estado, á Xunta e á UE. Entre todos podemos conseguilo”. Neste senso, os populares defenderon a creación dunha mesa de traballo para actuar na defensa deste elemento natural “que tanto significa para Ribadeo e para o conxunto do territorio galego”.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
