11,00 h.- O conselleiro de Economía, Emprego e Industria, Francisco Conde, comparecerá a petición propia na Deputación Permanente para informar sobre a situación actual da fábrica de Alcoa en San Cibrao.
foto xoán crespo
04/06/2020
Santiago de Compostela, 4 de xuño de 2020. O conselleiro de Economía, Emprego e Industria, Francisco Conde, defendeu hoxe que aínda hai alternativas para garantir a actividade e o emprego en Alcoa San Cibrao se o Goberno aproba definitivamente o Estatuto para os consumidores electrointensivos e un plan específico para o sector. Así o manifestou nunha comparecencia a petición propia na Deputación Permanente para abordar a situación que atravesa a factoría da Mariña luguesa.
Conde avogou por que o Goberno destine parte dos fondos de reconstrución económica previstos pola Unión Europea a un plan de investimentos propio para a industria electrointensiva. Un plan que permita modernizar e impulsar o conxunto de empresas electrointensivas e salvagardar os postos de traballo que dependen dela.
O conselleiro defendeu que outro dos instrumentos que o Goberno ten ao seu alcance para dar alternativas de futuro ao sector é aprobar definitivamente o esperado Estatuto para os consumidores electrointensivos, que debe fixar un prezo eléctrico estable e competitivo. Segundo explicou, España parte nunha clara desvantaxe porque, antes de impostos, o prezo eléctrico segue a ser moi superior ao de Alemaña ou Francia. En concreto, o MWh está entre 10 e 8,3 euros por riba, respectivamente. Unha diferenza que se ve aínda máis lastrada pola falta de incentivos reais na parte regulada da factura.
Por este motivo, considerou que o estatuto debe recoller medidas de carácter fiscal, como a supresión do imposto do 7 por cento á xeración eléctrica a todos os consumidores e a supresión do céntimo verde ao carbón. Tamén a redución de cargas e peaxes recollidos nas tarifas de acceso para axustar os custos do transporte ao resto de países europeos. Ten que ampliar as axudas compensatorias por custos de emisións indirectas de CO² que, con 6 millóns de euros convocados para este ano son insuficientes. Fomentar a contratación a longo prazo de enerxía eléctrica a través dos chamados acordos bilaterais e, ademais, incorporar a categoría de consumidor hiper-electrointensivo.
Conde lembrou que Galicia, os gobernos de Asturias e Cantabria e o propio sector, presentaron alegacións ao borrador de estatuto elaborado ata o de agora polo Goberno porque, entre outras cousas, non garante que o prezo non supere os 35-40 euros/MWh ou porque incrementa o número de posibles empresas beneficiarias de 119 a 612, o que prexudica á industria que consome máis electricidade, como é o caso da industria electrointensiva galega.
Convocar unha nova poxa máis sensible ás necesidades da industria
Neste sentido, subliñou que é necesario que a poxa de interrompebilidade que se convoque para o segundo semestre do ano sexa máis sensible ás necesidades da industria porque a que está en vigor é a máis baixa da historia: unicamente se ofertan 1000MW e se eliminaron os bloques de 90MW que son polas que poxan as grandes empresas como Alcoa.
Activando todos estes mecanismos, dixo, o Goberno ten marxe de actuación para garantir o futuro do sector. En palabras de Conde, só fai falta vontade política porque, de non ser así, dixo, España e Galicia pasarán de ser produtores a importadores de aluminio, o que encarecería os prezos e rompería a cadea de subministración. Suporía o fin dun sector que, paradoxicamente, se considera esencial neste estado de alarma, observou.
Na súa intervención o conselleiro lembrou, tamén, o compromiso da Xunta coa comarca da Mariña e, concretamente, co desenvolvemento da planta de Alcoa San Cibrao, co apoio ao gasoduto ou con axudas para reconverter os fornos da planta de alúmina de fuel-oil a gas natural.
Xuntanza co comité de empresa de Alcoa San Cibrao
Para concluír, reiterou a vontade da Xunta de seguir traballando ao lado do Goberno na busca de solucións e facéndose eco das demandas dos traballadores desta industria, para o que solicitou o compromiso de todos os grupos da Cámara. Nese sentido, apuntou que hoxe mesmo vao manter unha xuntanza co comité de empresa de Alcoa para avaliar a situación das factoría e trasladarlle de novo o apoio da Xunta.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
