Lugo, 12 de xuño de 2020. A Deputación de Lugo inicia o proceso de formación do alumnado do plan provincial Prende! Bota raíces no rural, un programa que ten como obxectivo crear emprego xuvenil e fixar poboación nas zonas menos poboadas da provincia. Así o anunciaron este venres a voceira socialista do Goberno, Pilar García Porto, e o Deputado de Promoción Económica e Social, Pablo Rivera, na rolda de prensa na que deron conta dos asuntos acordados na Xunta de Goberno.
Un total de 50 alumnos e alumnas comezarán este luns o período teórico nos 4 cursos de formación especializados e, a principios de xullo, iniciarase un de autoemprego. Debido á situación derivada da Covid-19, as sesións terán unha modalidade mixta, cunha parte telemática e outra presencial. “Queremos que a xente nova se quede a traballar e a vivir no noso rural, e con este novo programa dámoslles ferramentas para conseguilo, axudándolles con formación e experiencia laboral a atopar un futuro nos seus concellos ou nas súas comarcas, ben sexa como emprendedores ou por conta allea”, subliñou Rivera Capón, responsable da área que coordina o programa.
As especialidades son: Hostalería e Turismo, no que participan 14 alumnos e que vai impartir a Asociación de Hostalería de Monforte de Lemos; Agricultura e Gandería, participan 8 alumnos, darao Unións Agrarias na Granxa Gayoso Castro; Medio Ambiente, a formación a 9 alumnos será en Pedrafita do Cebreiro a cargo da Asociación Sectorial Forestal Galega; Enerxía e Auga impartirase no Valadouro, participarán 13 alumnos e corre a cargo da Asociación Empresarial Eólica; e, por último o de Autoemprego, que realizará a formación a asociación de Xoves Empresarias e Empresarios da Provincia de Lugo.
Estas formacións teóricas rematarán o 13 de xullo e darán paso ao período práctico. Na segunda fase do programa, a Deputación concederá axudas a empresas vinculadas cos anteriores sectores produtivos para que contraten durante 8 meses aos mozos e mozas que recibiron a formación, e poidan así adquirir experiencia laboral.O importe da axuda que recibirán as empresas será de 4.410€ por cada persoa contratada.
Pola súa banda, os traballadores e traballadoras contratados percibirán como mínimo 900€ ao mes. Ademais, a aqueles participantes no programa que decidan emprender, a Deputación concederalles unha axuda de 5.510€ para poñer en marcha o seu proxecto empresarial. Este plan de emprego conta cun orzamento de 300.000€ achegados nun 92% polo Fondo Social Europeo.
Prórroga do servizo de mantemento de zonas verdes
A voceira provincial socialista explicou que a Xunta de Goberno aprobou ata final de ano o encargo á empresa pública Tragsa do servizo de mantemento de zonas verdes provinciais. O mes de decembro, a Deputación de Lugo mercou unha acción de Tragsa a través da cal esta empresa pasou a ser medio propio instrumental da entidade provincial. Nese mesmo mes, a institución aprobou tamén o encargo do mantemento das zonas verdes á empresa pública, o que permitiu a subrogación dos traballadores e traballadoras que pertencían a SUPLUSA, nas mesmas condicións laborais e salariais.
Ese encargo de 6 meses recollía a posibilidade de prórroga por outros 6 meses, que é o acordado hoxe, contando cos informes das áreas de Medio Ambiente, Intervención e Contratación.
Esta prórroga durará entre o 1 de xullo ata o 31 de decembro, e o importe económico é de 413.000€.
Formación audiovisual
A Xunta de Goberno da Deputación tamén aprobou este venres o número de prazas, o calendario e os requisitos da matrícula nos ciclos superiores de Produción e Realización para o curso 2020-2021 do Centro de Formación Audiovisual do Servizo de Audiovisuais, a antiga Escola de Imaxe e Son da Fundación TIC.
A Deputación ofrece 20 prazas para cada un dos ciclos. A matrícula será gratuíta por décimo terceiro curso consecutivo, agás para os repetidores. O prazo de preinscrición estará aberto do 22 de xuño ao 3 de xullo. Os interesados deberán presentar unha fotocopia do DNI, a certificación académica e cumprimentar o impreso que atoparán na web www.deputacionlugo.gal ou no propio centro. A documentación debe entregarse na sede do CFA, na rúa Frei Plácido Lemos s/n de Lugo.
O 7 de xullo publicarase, no taboleiro de anuncios do centro e na web da Deputación, a listaxe provisional de admitidos, de solicitantes que quedan en lista de espera e de excluídos. Do 8 ao 10 será o prazo para as reclamacións, e o día 14 publicarase a lista definitiva de admitidos, en espera e excluídos. A matrícula ordinaria poderá formalizarse do 15 ao 30 de xullo no centro educativo, en horario de 9.00 a 14.00 horas.
No caso de que haxa máis demanda que número de prazas, a prioridade para a matriculación será a seguinte: solicitantes con titulación de bacharelato que se determine para cada ciclo; titulación dunha modalidade de bacharelato distinta; de técnico superior; e universitaria. Dentro de cada colectivo darase prioridade a quen se matricule por primeira vez no ciclo; quen teña a maior nota media no expediente académico; e ao sexo menos representado no ciclo formativo solicitado na matrícula do curso anterior.
Contrato de comunicacións
A Xunta de Goberno aprobou sacar a contratación os servizos de comunicación da Deputación, isto é, a prestación do servizo de telefonía fixa, móbil, datos e acceso a internet para todas as dependencias da institución provincial.
Este contrato ten un orzamento base de licitación superior aos 2,5M€ para os catro anos de duración aos que como máximo pode chegar, dous iniciais, máis outros dous de prórroga.
O contrato ten tres bloques. En canto ao servizo de seguridade da rede, neste novo contrato refórzase a protección, entre outras medidas, cun servizo anti ataques para evitar que os equipos queden indispoñibles por saturación de peticións de ordenadores e máquinas ilexítimas, e despregando unha segunda barreira de cortafogos. Ademais, desenvolverase unha parte de formación en ciberseguridade para os empregados e empregadas do servizo de Novas Tecnoloxías co fin de dotar e reforzar os coñecementos e prácticas nun mundo en constante evolución.
En canto ao servizo de telefonía fixa, móbil e acceso a internet, mantense a rede interadministrativa provincial, na que están, ademais do Pazo de San Marcos, 19 sedes externas e 49 concellos; e os centros remotos dependentes da Deputación, ademais de 335 números de teléfono públicos e 166 liñas móbiles.
Polo que respecta ao bloque de mantemento de electrónica e equipamento de rede, renóvanse os mantementos e soportes de fabricante dos equipos e electrónica da rede da Deputación, entre os que se encontran 200 puntos de acceso wifi.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
