Burela, 21 de maio de 2020. O alcalde, Alfredo Llano, anuncia que á segunda edición do mercado semanal que se celebrará mañá en Torrentes acudirán unha trintena de postos relacionados co sector agroalimentario. O rexedor insiste en que o mercado foi trasladado a Torrentes por razóns de seguridade sanitaria e asegura que a zona reúne todas as condicións para acollelo.
O alcalde dixo que “agora mesmo hai moitísimas peticións. Está chamando moita xente que quere vir a instalarse no mercado de Burela, pero é certo que neste momento non se poden colocar máis postos. A ver se entramos na fase 2 e isto pode cambiar, pero polo de agora teñen que ser artigos de alimentación. Polo tanto vai ser un mercado de produtos agrícolas, lácteos, cárnicos, froitas, flores e todo o que permite o Real Decreto. Digo que hai moitas peticións porque hai moito interese en vir ao mercado de Burela. Ao mellor para a semana xa se poden incorporar outro tipo de postos como roupa, apeiros, etc…, por nós non vai haber ningún problema, sempre e cando se poida permitir acudir aos mercados a todo este tipo de negocios”.
Llano lembrou que “trasladamos o mercado a Torrentes derivado da xustificación extraordinaria que presentaron os técnicos baseado na seguridade sanitaria e vendo que en Burela non hai outro sitio que puidera garantir esa seguridade. Había outro posible lugar no porto, que xa estivéramos negociando con Portos hai tempo na primeira lexislatura que estiven eu aquí, se podíamos poñer alí o mercado, pero argumentaron que é un porto moi importante e que ten moitísima actividade, polo tanto hai que centrarse na actividade portuaria máis que noutra que puidera interromper nun momento dado o bo funcionamento. Polo tanto non quedaba máis espazo que Torrentes”.
O rexedor subliñou que “Torrentes de por si é un lugar agora mesmo que garda todas as condicións positivas para poder efectuar alí un mercado interesante, potente e penso que con todas as garantías sanitarias e, desde logo, con facilidade de fluidez para a xente e con capacidade para meter moito negocio. Mañá estarán alí presentes entre 31 e 32 postos, que creo que é unha boa cifra”.
Alfredo Llano quere “animar á xente a que acuda, porque penso que é unha boa fórmula de recuperar un pouco a actividade económica e social, que veña xente a Burela e despois visite diferentes lugares do noso pobo. Penso que é unha cuestión positiva e foi tomada en conciencia e respectuosamente pensando no ben común. Por iso non se entende que haxa xente que intente torpedear, interromper ou desprestixiar o mercado en Torrentes. É unha postura un pouco preocupante na que parece que ten máis interese facer un pouco de dano ao mercado que aportar cousas interesantes e que realmente importen para o conxunto da poboación de Burela. Por iso hai que facerlle pouco caso, dado que hai unha demostración clara de que a xente quere vir a Burela. De momento non hai ningún inconveniente”.
Para o alcalde burelés “o outro día houbo unha situación inducida para intentar parar o mercado, cousa que non se logrou e agora esa mesma xente que ao mellor protestaba o outro día si que vai vir coa intención clara de favorecer este mercado nese lugar de Torrentes. Quero animar a toda a xente a que participe e acuda. Mañá vai estar un día de calor e tamén é bo pasear por Torrentes. É unha zona atractiva que ten moitas posibilidades. Está céntrica, en Burela non hai distancia en ningún lugar, andando tamén se pode ir ata alí e compartir un día bonito de mercado sen atender a outros que dan razóns soamente co propósito de entorpecer. Penso que o que hai que mirar é en positivo e sobre todo favorecer a recuperación económica e social o antes posible, que é no estamos intentando traballar e o que estamos facendo desde o Concello con todo o noso interese”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
