Santiago de Compostela, 5 de Maio 2020. A portavoz nacional, Ana Pontón, mantivo hoxe un encontro telemático con representantes do cluster do turismo galego que agrupa á maioría das empresas do sector.
Tras a xuntanza, Pontón destacou a relevancia deste sector na económica e as graves consecuencias económicas derivadas da crise da COVID-19 polo que reclamou con urxencia “un plan de rescate” e a posta en marcha “dunha estratexia de apoio” a través de campañas de promoción adaptadas ao desconfinamento para fomentar o turismo de proximidade ou interno. A portavoz do Bloque tamén insistiu en que é necesario “reformular” o Xacobeo, tanto nos contidos como no enfoque global, para dar maior cabida ao tecido cultural e comercial de Galiza e, nesa liña, propuxo “ampliar o período até 2022”.
Entre outras iniciativas, o BNG aposta por poñer en marcha unha campaña de promoción do Camiño “como antítese do desconfinamento destinada a un modelo de turismo sostible e asumible”, destacou Pontón.
O Bloque tamén fai fincapé en que é preciso contar con todas as garantías sanitarias e económicas no desconfinamento con protocolos claros porque na situación actual moitos negocios “abrirán a perdas” con ingresos que non garanten cubrir nin sequera os gastos correntes, por iso son necesarias medidas de acompañamento. A portavoz nacional insistiu en que “non se pode deixar caer ao sector do turismo”, que tiña perspectivas de crecemento para o 2021 e estamos nun momento no que non ten cabida “nin a improvisación nin os vaivéns” se o que se pretende e retomar a actividade económica.
O sector precisa iniciar a súa actividade e resulta imprescindible manter os ERTEs mentres se manteñan as medidas restritivas de acceso aos locais e non se normaliza nin a mobilidade nin o consumo. Tamén, volveu insistir Pontón, a Xunta debe aportar axudas directas aos traballadores e as traballadoras autónomas, o Goberno galego, destacou, conta con mecanismos para facelo e hai outros territorios cuxos executivos xa teñen habilitado axudas directas para este colectivo que en Galiza integra a 210.000 persoas.
Pontón tamén reclamou “reformular a política de préstamos” para que a liquidez “inxectada” á banca chegue as empresas e as familias “sen abusos”, con menos trabas burocráticas, que a concesión dos créditos dependa dun criterio social e non exclusivamente do criterio da entidade bancaria, así como aumentar o período de carencia e os prazos de devolución dos créditos ICO, ademais de revisar as liñas do IGAPE, neste momento “insuficientes”.
Para a portavoz do BNG, o sector do turismo terá que “reinventarse” despois da crise para acadar un turismo seguro, e de aí a importancia de campañas informativas de promoción adaptadas a fomentar o desconfinamento e repensar como será o Xacobeo 2021 propoñendo que se estenda até o 2022 para dar resposta ás expectativas de crecemento do sector. Pontón fixo fincapé nas dificultades do sector turístico e reclamou ao Goberno galego “poñer en marcha medidas de carácter excepcional que garantan o seu futuro”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
