Lugo, 14 de maio de 2020. A Secretaria Provincial do PSdeG-PSOE na provincia de Lugo, Patricia Otero demandoulle hoxe ao Delegado da Xunta na provincia de Lugo que aclare a todos os lucenses, que cuantia dos 27 millóns que anunciou para toda Galicia para impulso do turismo, corresponden á provincia de Lugo. E que impacto real deste orzamento cree que pode repercutir neste sector, vital na nosa provincia.
Otero fixo esta afirmación tras a presentación do Plan para a reactivación do turismo da Xunta, que segundo anunciaron conta cunha dotación económica de 26,8 millóns de euros. Concretamente son 10,2 millóns para cultura, 11 millóns para turismo e outros 5,6 millóns de euros para o Xacobeo. Dixo que “a videoconferencia que mantiveron Balseiro e Nava Castro na presentación deste acto, parecía un acto de precampaña electoral. O PP esta máis preocupado pola convocatoria de eleccións que polo sector turístico”, dixo.
Así as cousas a dirixente socialista quere saber “si o Delegado da Xunta en Lugo ten datos reais de cal é a situación do sector turístico, así como do futuro inmediato deste sector?. A nós chámanos á atención que Balseiro fixese esta presentación de forma simultánea, mentres o Conselleiro de Cultura e Turismo estaba comparecendo neses intres na Deputación Permanente do Parlamento de Galicia. Ten intención de ser conselleiro e por iso fixo esta actuación? Ou é a eterna directora xeral Nava Castro a que quere selo?”, preguntou.
A secretaria provincial denuncia que o plan presentado “está cheo de medidas inconcretas, e non dá resposta ao sector turístico que representa máis do 10% do PIB de Galicia ( un 10,4% segundo o propio plan). Ademais, tampouco presenta ningunha iniciativa sobre as demandas que presentou o propio sector, e non inclúe axudas directas ao sector turístico, senón propostas xeneralistas carentes dunha orientación clara”.
Cultura
No que atinxe ao mundo da Cultura constatamos a nula importancia que concede o PP a este sector. “Como é posible que ignore que o propio plan contempla 10,2 millóns de euros, o que significa o 38% para ese sector. Que mensaxe manda esa actuación?. É porque sabe que o sector cultural rexeita maioritariamente o plan, e ademais sempre criticou, incluso antes da crise, a política cultural impulsada polo PP?.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
