Ribadeo, a 22 de maio de 2020.- O Grupo Municipal do Partido Popular, da man da súa edil Elena Sierra, denuncia que, unha vez máis, “ a falta de planificación” do goberno local provoca que Ribadeo “estea abandonado”, debido a que o Concello, a pesares de estar a piques de entrar nos meses de verán, aínda non acometeu os traballos de limpeza e desbroce.
“Por este lamentable estado no que se atopa a nosa vila”, indican, será preguntado o rexedor no vindeiro Pleno que celebrará a Corporación. E é que, destaca Sierra, o nacionalista “ten que exercer a súa responsabilidade”. “Pedirémoslle que traballe algo máis, xa que, a estas alturas, tanto as zonas verdes urbanas, como todo o rural, están cheos de maleza; situación que non podemos permitir e consideremos inaceptable”, remarca a popular.
“Isto é o resultado dun goberno que non traballa. Cando xa deberiamos ter un Ribadeo limpo e rozado, está totalmente abandonado. As zonas recreativas están sen limpar, as estradas municipais tamén; o que fai, indica a edil, que nos amosemos moi críticos coa xestión do alcalde que demostra, di, que está a todo menos ao que ten que estar”.
E é que, apuntan que, cando se iniciou a fase 1 da desescalada, “tiña que estar todo en perfecto estado”. “Os veciños e veciñas poideron comprobar a situación a que nos estamos a referir: estado lamentable do Paseo das Aceñas (incluso se pechou para acometer os traballos de limpeza), accesos as beirarrúas da ponte sobre a circunvalación da estrada que vai da Fonte do Cobo a Ove; áreas recreativas das parroquias, etc; unha situación que se debe a que o Concello aínda nin elaborou nin puxo en marcha un Plan Municipal de Residuos e Limpeza viaria e das áreas recreativas e espazos de lecer para os 365 dias do ano como lles levamos reclamando dende o inicio da lexislatura… Xa fai un ano, claro que, o medio ambiente, a pesares de contar cun Delegado con Dedicación exclusiva por primeira vez na historia do Concello, nunca lle preocupou,… aí está o estado ruinoso da Casa da Ría como outra mostra máis do seu nulo traballo”, sentencian.
“Calquera veciño pode corroborar o que dicimos. Ademais, somos a porta de entrada en Galicia do norte peninsular; somos un municipio turístico de referencia e un dos destinos máis solicitados da Mariña pero, sen embargo, a imaxe que ofrecemos por culpa da inacción do nacionalista é a dun pobo descoidado”. Por este motivo, defende Sierra, “pedirémoslle ao alcalde que dea as instrucións oportunas para o desbroce inmediato dos espazos urbanos que tamén son un punto de encontro para veciños e visitantes, así como da zona rural”.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
Realizouse en dúas sesións, unha teórica e outra práctica. Na práctica contouse coa colaboración dos mestres Eloy Roces, Félix Bargados, Ángel Areas, Francisco Martins e Lino Gómez Feito. Nel actualizou a súa titulación de Xuíz de Tribunal Nacional de Graos o profesor do Club Shitokai Asturias Galicia, Julián Martín. Pola tarde celebrouse o exame de Cinto Negro ata 8º Dan. Os karatekas pertencentes ao Club de Karate de Ribadeo obtiveron os seguintes graos: Miguel Sanz Delgado, Cinto Negro 2º Dan. Janet Villarino Vizoso, Cinto Negro 1º Dan. Ambos coa idade mínima no seu Grao.
