Viveiro, 02 de maio de 2020. Vivimos un momento excepcional, momento que dende as Administracións Públicas ten que ter unha resposta decidida, firme e o máis rápida posible.
A situación derivada da crise sanitaria provocada pola pandemia do COVID-19, obriga a tomar decisións excepcionais a todos os niveis, co obxectivo de minimizar o impacto social e económico no ámbito de actuación do Concello de Viveiro.
O Concello de Viveiro ten a obriga en primeiro lugar, e dentro das súas competencias, de velar pola saúde e benestar das persoas que habitan no noso Municipio. Por isto, debe ser unha prioridade absoluta o reforzo económico da partida de emerxencia social, co obxectivo de cubrir as necesidades básicas de todas as persoas que se atopan en situación de vulnerabilidade.
En segundo lugar, o Concello de Viveiro, dentro das súas competencias, ten a obriga de preservar a economía local. O Estado de Alarma e o Decreto correspondente provocaron o peche de miles de negocios en todo o Estado. En Viveiro, foron centos os autónomos e empresas que se viron na obriga de pechar os seus negocios e suspender a súa actividade, coas conseguintes perdas económicas para eles e todos os traballadores que se atopan ao seu cargo. A gran maioría de autónomos con traballadores e empresas acolléronse a ERTE’s, que nun principio deberían de ser garantía de mantemento dos postos de traballo, así como dos salarios durante a vixencia do Estado de Alarma e proceso posterior.
Esta situación excepcional, supón un duro golpe para unha economía local, que se atopaba en situación de constante crecemento, unha vez parecía superada a dura crise do 2008. Co comercio e a hostalería en situación de peche, son moitos negocios que están pasando e pasarán por enormes dificultades económicas e de viabilidade. Centos de postos de traballo están en risco de desaparición se dende as Administracións Públicas non se actúa contundencia e determinación necesaria.
As previsións do Goberno de España, prevén a anulación de moitas das actividades festivas, culturais e deportivas con aglomeracións de persoas durante un período de tempo aínda por confirmar. Ademais da redución de gastos das actividades xa suspendidas, e moitos derivados da habitual actividade do Concello agora paralizada.
Ante esta situación o Goberno Municipal aprobará uns ORZAMENTOS ANUAIS DE EMERXENCIA, destinando todos os recursos posibles a manter a economía do noso Concello na mellor das situacións posibles dentro das nosas posibilidades económicas.
Así dentro dos Orzamentos Municipais de Emerxencia, estableceremos ademais un PLAN DE REACTIVACIÓN ECONÓMICA.
Este plan ten por obxecto, garantir a atención a todas as familias en situación de vulnerabilidade e intentar paliar o golpe económico a centos de autónomos, traballadores e empresas do noso Concello, intentando garantir a súa continuidade así como a de todos os postos de traballo existentes na actualidade, nos sectores máis afectados polo obrigado peche, nesta crise sanitaria.
O citada plan que contará cunha dotación orzamentaria aproximada de 500.000,00€ contará coas seguintes medidas:
PLAN DE REACTIVACIÓN ECONÓMICA
Dotación económica: 500.000,00€
1. Aprobación dos ORZAMENTOS MUNICIPAIS DE EMERXENCIA no mes de maio.
2. Incremento da partida económica para Emerxencia Social.
Como garantía de atender a todas as familias en situación de vulnerabilidade. Dotación económica: 30.000,00€
3. Axudas a autónomos en situación de cese de actividade.
Abono das 3 primeiras cotas de autónomo dende o reinicio da actividade.
Por importe da cota mínima de 283,31€.
Co obxecto de manter os postos de traballo e reactivar a economía local, concederase unha axuda a todos os autónomos do municipio en situación de cese de actividade. Crearanse unhas bases xustificativas para a obtención da axuda.
Dotación económica: 400.000,00€
4. Incremento das axudas directas ás Asociacións de Comerciantes para a realización de campañas de activación do comercio local, así como para a dotación de plataformas de venta online.
Dotación económica total: 15.000,00€
5. Campañas de activación do comercio propias realizadas polo Concello de Viveiro, co fin de chegar aos restantes comercios e locais de hostalería, non incluídos nas asociacións.
Dotación económica: 15.000,00€
6. Bonificación da taxa por ocupación de vía pública de todas as Terrazas de Veladores do Concello de Viveiro, en solo municipal, ou abono de axuda directa para o pago da taxa, no caso de existir, por parte de outras administracións públicas.
Dotación económica: 40.000,00€
7. Suministro de medios de seguridade para a apertura dos locais.
Dotación de guantes, mascarillas, e geles para os locais, por imperativo legal, así o precisen.
8. Anulación das taxas dos mercados, tanto da Praza Maior coma do Corte Inglés.
9. Facilidades de pago nos impostos municipais:
– Fraccionamento do cobro do IBI en 3 pagos espaciados no tempo.
– Atención individualizada en función da situación económica de cada contribuinte.
10. Manter o servizo de impresión escolar para persoas en situación de vulnerabilidade durante o curso 2020-2021.
11. Campaña de incremento do VOLUNTARIADO MUNICIPAL. Voluntarios dos que botar man, en caso de necesidades presentes ou futuras, de atención a persoas en situación de vulnerabilidade.
María Loureiro García Bernardo Fraga Galdo
Alcaldesa de Viveiro Portavoz Municipal de Por Viveiro
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
