Lugo, 26 de maio de 2020.- O goberno provincial amosou o seu apoio aos traballadores e traballadoras de Alcoa e das empresas auxiliares, que esta mañá constataron a intención da empresa de “adoptar novas medidas en relacíon co emprego”. O executivo provincial presentou no pleno deste martes unha moción coas demandas da Plataforma de empresas auxiliares -que representa un milleiro de traballadores-, que obtivo o respaldo unánime da corporación.
A proposta recolle o rexeitamento da institución á medida anunciada pola multinacional de non rebrascar as cubas, que xa provocou dous Ertes na industria auxiliar; manifesta o apoio da institución provincial aos traballadores; solicita a mediación da Xunta de Galicia para evitar que sexa efectiva a decisión da multinacional e apela á intervención do Goberno do Estado para que a multinacional non deixe morrer a factoría e non se perda ningún posto de traballo.
Na debate da moción, o presidente da Deputación de Lugo, José Tomé Roca, puxo de relevo a inacción do Goberno galego: “A que foi o outro día o señor feijóo a Alcoa? Foi porque lle tocaba sacar a foto do día, pero aportou algunha solución?, propuxo algo?, unha axuda económica ou doutro tipo? Xa que están tan da man de Urkullu nas eleccións, amparándose nel para xustificar as de Galicia, por que non se reflexan no Goberno vasco e fan o mesmo coa industria galega? Aprendan deles, non teñen moito que inventar, copien o seu plan e denlle utilidade aos millóns de euros do IGAPE que deixan sen utilizar. Un bo gobernante inviste no tecido produtivo. Sen embargo, despois de tres mandatos de Feijóo, non existe un plan industrial para Galicia, nin para a provincia de Lugo, nin para A Mariña”.
Pola súa banda, a deputada do BNG, Mónica Freire Rancaño, amosou a súa preocupación pola perda de postos de traballo que xa produciron ás decisións da multinacional estadounidense e advertiu que “Alcoa segue en San Cibrao a mesma estratexia que seguiu na Coruña e en Avilés”. A deputada mariña criticou “a pasividade da Xunta de Galiza e do goberno do Estado que”, dixo, “teñen as competencias en materia industrial e enerxética pero botan balóns fóra sen achegar ningunha solución para os traballadores”.
No Pleno deste martes, o terceiro que se celebra por vía telemática na institución provincial, tamén se aprobaron, neste caso co apoio dos dous grupos de goberno – PsdeG e BNG -, as seguintes mocións:
-Moción do Grupo Provincial Socialista sobre o reforzó da sanidade pública ante a situación xerada polo Covid-19.
-Moción do Grupo Provincial Socialista para reclamar á Xunta un plan de reactivación integral para a provincia de Lugo
– Moción do Grupo Provincial do BNG, sobre a elaboración dun Plan Galego de reactivación económica e a disponibilidade de uso dos recursos económicos das Administracións Locais
– Proposta de modificación do orzamento de 2020 vía suplemento de crédito por un importe de 3,3 millóns de euros.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
