Viveiro, 14 de maio de 2020. O Concello de Viveiro, a través da Concellaría de Cultura, deu a coñecer a programación organizada para conmemorar o Día das Letras Galegas, dedicado a Ricardo Carvalho Calero.
As circunstancias actuais obrigaron a modificar as actividades previstas inicialmente, entre as que se incluía a obra teatral ‘As pitas baixo a choiva’, para o público infantil, baseada no relato homónimo do autor.
Con todo, o Concello de Viveiro non quixo deixar pasar o Día das Letras Galegas sen ofrecer a todos os veciños e veciñas unha programación deseñada co obxectivo de dar a coñecer a biografía deste persoeiro da cultura galega e conmemorar esta data tan significativa.
Na tarde de hoxe, publicarase nas redes sociais do concello o cartel conmemorativo creado para esta celebración, cunha frase destacada de Carvalho Calero. As actividades organizadas polo concello comezarán o propio Día das Letras Galegas e prolongaranse durante tres xornadas, nas que diferentes personaxes da vida cultural de Viveiro farán unha homenaxe, dende a súa arte, ao autor ferrolá.
Na mañá do domingo 17 de maio, na web e redes sociais do concello publicarase un vídeo, cun conto de Raquel Queizás, realizado en especial para os nenos e nenas de Viveiro.
Ese mesmo día pola mañá, tamén se porá en marcha a outra iniciativa deseñada para os máis pequenos, mediante a que se pretende coñecer as súas palabras favoritas en lingua galega e encher a rede de palabras fermosas, baixo o hashtag #viveirocoasletras; aquelas persoas que non teñan redes sociais tamén se poden sumar a esta iniciativa colgando as súas palabras favoritas nas fiestras.
O domingo pola tarde publicarase un novo video, no que o artista David Catá realizará unha adaptación do Himno Galego. O luns, 18 de maio, pola mañá, subirase ás redes un vídeo no que o Cronista Oficial do Concello de Viveiro, Carlos Nuevo Cal, realizará unha achega á vida e obra de Ricardo Carvalho Calero; ese mesmo día, pola tarde, publicarase outro vídeo, no que o músico David Bellas, interpretará unha peza da súa autoría.
A celebración deste Día das Letras Galegas rematará o martes, 19 de maio, co vídeo dramatizado sobre Ricardo Carvalho Calero que realizará Suso Martínez.
Cómpre mencionar, ademais, que o nome de Ricardo Carvalho Calero se engadirá ao vinilo existente na Biblioteca Pública Municipal, no que constan os nomes de todos os homenaxeados no Día das Letras Galegas dende o inicio desta celebración, xunto co ano no que se lles dedicou esta importante festividade.
Finalmente, dende o Concello de Viveiro quérese animar a todos os veciños e veciñas a que aproveiten esta celebración do Día das Letras Galegas para achegarse á figura de Ricardo Carvalho Calero, consultando a súa biografía nas moitas plataformas que estes días ofrecen información sobre a súa vida e obra, como, por exemplo, na web da Real Academia Galega.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
