Burela, 4 de maio de 2020. O Concello concederá axudas directas ao comercio, á hostalería e aos autónomos para tentar paliar os efectos negativos ocasionados pola crise sanitaria do coronavirus. Así o anunciou o alcalde, Alfredo Llano, tras a xuntanza mantida hoxe con representantes da Acia local. E subliñou que o Concello facilitará a instalación de terrazas para que os locais hostaleiros poidan ir iniciando a súa actividade pouco a pouco.
O rexedor contou que “hoxe tivemos outra reunión con representantes da Asociación de Comerciantes, Industriais e Autónomos de Burela. Levamos xa unha tempada en contacto con eles porque pensamos que é moi positivo que o Concello estea en todos os ámbitos importantes para o desenvolvemento integral de Burela e tamén das preocupacións derivadas da pandemia do virus”.
Para Alfredo Llano “a reunión de hoxe penso que foi interesante e nela comenteilles que derivado do aforro que tivemos o ano pasado respecto ao orzamento temos unha liquidación positiva de aproximadamente 400.000 euros, que é a cantidade que vamos incluír nos orzamentos deste ano para poder facer fronte á problemática derivada do coronavirus. É unha cantidade significativa, que vai abarcar axudas directas aos comercios, á hostalería, aos autónomos,… pero tamén é unha axuda que vai ser destinada, de acordo coas necesidades, a emerxencias sociais, á infancia e a familias que precisen que lles botemos unha man. Penso que é unha cantidade significativa, aparte doutra que xa está contemplada no orzamento e que se sumaría a esta. Por tanto estes 400.000 euros esperemos que cheguen e sobren para atender todas as necesidades derivadas da problemática ocasionada pola pandemia do coronavirus”.
O alcalde anunciou que “quedamos cos representantes da ACIA en elaborar unhas bases para que todos os establecementos presenten unha solicitude das necesidades que poidan ter ou daquelas cuestións que consideren e nosoutros darémoslles unha axuda directa aos que o xustifiquen para atender as súas necesidades máis inmediatas. Eu creo que é unha boa noticia porque desa maneira trataremos de adaptarnos ás necesidades que cada un dos autónomos, das empresas ou da hostalería, sexa cal sexa a rama, que soliciten para o que consideren máis necesario: impostos, taxas, etcétera. Será unha axuda directa para atender polo menos aquelas necesidades máis urxentes e que prefiran”.
O rexedor burelés subliñou que “por outro lado, trataremos de facer en conxunto entre o Concello e a ACIA unha promoción para defender a Burela como un destino ideal para vir ao comercio, aos restaurantes, aos bares, … Queremos facer unha boa promoción en conxunto para poñer a Burela no mapa e beneficiar ao conxunto dos veciños e en particular ao que deriva do comercio, do turismo e de todo aquilo que sexa positivo social e economicamente para o noso concello”.
Na xuntanza de hoxe Concello e Hacia abordaron tamén outras cuestións: “vamos tratar de ter unhas máquinas que empregan o ozono como elemento base para desinfectar locais. Queremos mercar as que sexan mellores para que garantan que van desinfectar perfectamente os establecementos. Ademais vamos axudarlles con material desinfectante e algunha outra cousa que necesiten. Estamos aí con eles estudando as necesidades e a cantidade que precisan”.
Llano dixo que “estas reunións están sendo interesantes e positivas e o Concello, dentro das nosas posibilidades, trataremos de axudar a este colectivo e tamén ás familias que o necesiten, derivado desta pandemia preocupante que a ver se podemos ir saíndo dela o antes posible. Vamos seguir coas reunións e o próximo luns imos ter a seguinte, na que xa especificaremos moito máis como facer para que a xente reciba as axudas”.
As terrazas da hostalería estiveron presentes no encontro de hoxe: “en canto ás terrazas da hostalería, pensamos que os establecementos necesitan ir abrindo paulatinamente e ademais é bo que se vexa no pobo que xa hai actividade hostaleira, entón vamos facilitar moitísimo as solicitudes que fagan os hostaleiros para colocar terrazas. Imos intentar axilizar e favorecer para que sexa así. Evidentemente ten que haber uns protocolos porque se trata tamén de ter controlada a epidemia, pero desde o Concello vamos facilitar a instalación das terrazas”.
O Concello de Burela concederá axudas ao comercio, á hostalería e aos autonómos. Tamén se facilitará a instalación de terrazas para que os locais poidan ir iniciando a súa actividade
Relacionado
-
O PP pedirá o apoio na Deputación para esixir ao Goberno central a convocatoria da mesa de Alcoa e medidas de apoio para garantir a viabilidade da planta da Mariña
-
O alcalde de Foz e a concelleira de Asuntos Sociais falaron da residencia de maiores co xerente do Consorcio Galego de Igualdade e Benestar
-
Barreiros bota a andar unha APP turística como ferramenta áxil e moderna
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
