Santiago de Compostela, 24 de maio, 2020. A portavoz nacional do BNG, Ana Pontón recalca que as eleccións galegas deben contar con todas “as garantías sanitarias e democráticas” e reclama á Xunta electoral que actúe para impedir que Feixóo continúe utilizando os medios públicos como “canle propagandístico cun mitin diario de precampaña”.
Pontón amosa a súa preocupación polas condicións e garantías da cidadanía para exercer o voto e pide garantir a cobertura do dereito ao voto por correo e a garantía democrática do propio proceso electoral. Neste sentido, advirte que o BNG denunciará calquera circunstancia que poña en risco o exercicio do voto pola falta falta destas condicións. “Non nos dá ningunha seguridade nin tranquilidade o que poida facer un Partido Popular experto en artimañas e malas prácticas”, afirma a portavoz nacioanalista.
Por outra banda, dentro das garantías democráticas considera necesario “desconfinar” os medios públicos galegos e que a información sexa plural e ecuánime. Nesta liña, pide que se celebren dous debates, en horario de máxima audiencia, e unha cobertura plural nos espazos informativos, de opinión e tertulias.
“Enfrontamos a precampaña e campaña electoral nun contexto de falta de condicións sociosanitarias e falta de garantías democráticas”. Despois de seren aprazadas as elección, Pontón critica que “Feijóo seguira en campaña”. Para a nacionalista, a pandemia foi a coartada perfecta para xustificar a “presencia abafante de Feijóo na TVG a unha media de catro horas semanais e co desfile de conselleiros, conselleiras e cargos do PP de Galiza e o Estado”. A análise dos datos evidencia até que punto o PP fagocitou os medios públicos na crise e continuou permanente en campaña electoral.
Desde a declaración do estado de alarma, o 14 marzo, até o comezo deste semana,18 maio, Feijóo compareceu 31 veces en directo na TVG en horario de máxima audiencia, un total de 1.634 minutos. Tendo en conta que a duración media das novas do BNG son de 30 segundos, explica Pontón, “o Bloque necesitaría 4,5 anos para conseguir esta cota de pantalla”, máis do que dura unha lexislatura. E iso só no caso de que a canle pública emitise unha información no TX1 e no TX2 todos os días do ano. A esta sobreexposición de Feixóo e o PP, Pontón sumou as informacións do propio Feijóo nos telexornais e o “desfile diario” de membros do goberno ou cargos do PP.
O BNG PIDE PLURALIDADE INFORMATIVA
A situación, afirma a nacionalista, fai necesario que a Xunta electoral actúe para impedir o exercicio propagandístico diario do candidato Feijóo na TVG e na RG. A necesidade de trasladar información institucional pode ser cuberta a través doutras vías. A xuízo da líder do BNG, non ten xustificación que “un candidato dunha forza política use os medios públicos para transformar un espazo institucional nun mitin partidario diario, valorando e criticando ao resto de forzas políticas. Iso ocorre nas repúblicas bananeiras, mais non debera ocorrer nunha democracia moderna e de calidade”.
Pontón lembra que o BNG xa anunciou a súa posición “absolutamente esixente” co plan de medios da CRTVG. No contexto de limitacións e condicionantes que estamos a vivir, o desenvolvemento da campaña precisa paliar esta situación ofrecendo á cidadanía a posibilidade de contar con varios debates entre as forzas políticas para coñecer as propostas de cada unha delas polo que volve a reclamar a celebración, como mínimo, de 2 debates en máxima audiencia na TVG e RG e unha cobertura informativa que garanta a pluralidade e ecuanimidade, tanto nos espazos directamente informativos como de opinión e tertulia.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
