A Coruña, 14 de maio do 2020. O voceiro de Galicia en Común-Anova Mareas, Antón Gómez Reino, valorou hoxe os informes sanitarios presentados onte polo presidente da Xunta para intentar xustificar a convocatoria de eleccións, e advertiu de que os expertos que os redactaron recoñecen a posibilidade de que a epidemia de Covid-19 experimente un rebrote en Galicia no mes de xullo. É dicir, xusto nas datas que Feijóo escolleu unilateralmente para celebrar os comicios.
“Existe a posibilidade certa e real de que as eleccións de xullo coincidan cun repunte da epidemia. Aínda peor: se non se producira ese rebrote, o propio proceso electoral, a precampaña, a campaña e o mesmo día das votacións, poderían ser un foco de reactivación dos contaxios”, dixo.
O voceiro da coalición explicou que os informes dos expertos sanitarios consultados por Feijóo subliñan que o comportamento do virus é “imprevisible”, que non está demostrado que a súa incidencia teña carácter estacional, e que é máis que probable que se observe un rebrote da epidemia nas próximas semanas e nos próximos meses.
“Galicia en Común quere celebrar eleccións canto antes para acabar cos anos de recortes, mentiras e propaganda de Feijóo. Pero non se iso significa arriscar a saúde da poboación. Sen embargo, sucede que a Feijóo non lle interesa a saúde das galegas, senón amañar a competición polo poder”, engadiu.
Nese sentido, Gómez Reino lamentou que Feijóo teña convocado hoxe ás voceiras das forzas políticas a unha reunión na que “non se falará da reconstrución de Galicia, nin da contención de epidemia, da situación nas residencias, da precariedade dos sanitarios ou do escudo social fronte á crise. Non, Feijóo reúnenos para falar de eleccións. Non lle interesa que as forzas políticas combatamos unidas ao virus e á crise. O que lle interesa e amañar a competición polo poder”, insistiu.
O portavoz de Galicia en Común-Anova Mareas referiuse tamén ao informe dos servizos xurídicos da Xunta que aporta o presidente do Goberno galego para a avaliar a suposta legalidade da convocatoria electoral en xullo.
“Ese informe di literalmente que o proceso electoral que ía concluír en abril foi suspendido tras o acordo das forzas políticas galegas porque a emerxencia sanitaria esixía a aplicación de medidas incompatibles co normal desenvolvemento dun proceso electoral e, polo tanto, do libre e normal exercicio do dereito de sufraxio”, remarcou Gómez Reino.
“Está Feijóo en disposición de garantir que en xullo poderemos exercer libremente e en condicións de normalidade democrática o noso dereito ao sufraxio? Evidentemente, non”, concluíu.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
