Ribadeo, 12 de maio de 2020. A concelleira de Cultura, Pilar Otero, manifesta o apio do Concello de Ribadeo ao sector da Cultura e anuncia que se está a reprogramar para o último cuatrimestre do ano a programación que estaba prevista para maio e xuño. A Concellaría ten intención de manter unha axenda cultural durante o verán, que estará moi determinada pola evolución da pandemia.
A edil ribadense dixo que “desde o Concello de Ribadeo manifesta o apoio ao sector da cultura nos termos reflectidos na carta feita pública pola Asociación Galega de Profesionais da Xestión Cultural. Un apoio das administracións que sabemos que resulta imprescindible nestes momentos en que a pandemia do coronavirus fai máis difícil as condicións de traballo dun sector, que xa normalmente está marcado pola inestabilidade e a precariedade”.
Pilar Otero explicou que “por iso os catro últimos meses do ano recolleremos os espectáculos que tiveron que suspenderse por mor do coronavirus. Así, pola rede da Agadic, reprogramamos as funcións de Sarabela Teatro, Mamá Cabra e Teatro da Ramboia. Temos previsto asemade contratarse unha outra función de danza para todos os públicos. Tamén redistribuiremos neste período os catro espectáculos previstos para maio-xuño e que proveñen do circuíto Platea: Juguetes rotos, Múcab Dans, Mathaussen e Juntos”.
A concelleira de Cultura sinalou que “continuaremos co ciclo Músicas Comunais nas Parroquias, que achega o facer de asociacións culturais que desenvolven na nosa contorna xéneros musicais tan variados como a música tradicional, a música clásica ou o rock. O inicio de curso contará tamén coas charlas divulgativas apalabradas cos centros de ensino e vanse desenvolver os espectáculos de animación á lectura, vencellados á biblioteca”.
Otero Cabarcos engadiu que “segue en marcha tamén a convocatoria do IV Certame Xuvenil Literario e de Artes Plásticas Concello de Ribadeo e o apoio ao certame de vídeos en galego na rede, Youtubeir@s”.
A edil ribadense subliñou que “a Concellaría de Cultura ten tamén a intención de manter unha programación cultural no verán aínda que esta vai estar moi determinada pola evolución da pandemia”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
