Lugo, a 03 de abril de 2020. O grupo provincial do Partido Popular ten claro que a Deputación ten que xogar un papel de primeiro orde na provincia na difícil conxuntura pola que atravesa o país. O portavoz popular, Javier Castiñeira, sinala: “Dixemos e dicimos con total sinceridade que o PP quere sumar, colaborar con decisión e lealdade, desde o lugar que ocupa en cada institución, para axudar a superar a grave crise sanitaria na que estamos sumidos. Por ese motivo intentamos, sen éxito pola negativa de PSOE e BNG, mellorar o Plan Único para este ano. Queremos mirar cara adiante e, para aportar ideas que cremos que a Deputación pode poñer en marcha en beneficio dos lucenses, solicitamos ao presidente, José Tomé, que convoque unha reunión telemática da xunta de portavoces”.
Castiñeira reitera que a Deputación, ademais de aportar fondos aos concellos pola vía do Plan Único, ten capacidade para intervir directamente cos seus recursos económicos, mecánicos e humanos en apoio dos municipios. E pensa que ten que facelo nunha dobre vertente. Por un lado, atendendo a aspectos relacionados directamente coa crise sanitaria propiamente dita; por outra parte, axudando a crear as condicións para que as dificultades económicas e laborais que inevitablemente vai xerar a crise sanitaria sexan o máis amortuxadas posible en Lugo. Considera que é preciso que todos os grupos provinciais expoñan as súas propostas, contrastalas e decidir cales e como levalas adiante. Para abordar estas cuestións, solicita ao presidente unha reunión da xunta de portavoces.
En canto a crise sanitaria propiamente dita, Castiñeira recorda que a Deputación dispón dun fondo de continxencia, dotado con case un millón de euros. O portavoz popular entende que é posible adquirir, con cargo a ese fondo, o material que demanden os concellos en función das necesidades de cada un deles, xa que o goberno provincial non quere usar o remanente, tal como deixou claro na máis recente sesión plenaria.
Por outra parte, Castiñeira apunta que o parque móbil da Deputación debe ser posto ao servizo das tarefas de desinfección alí onde sexan necesarias, para reforzar o traballo que neste sentido levan a cabo os concellos. Nesta mesma liña, o portavoz popular di que o persoal do consorcio provincial de bombeiros podería efectuar, por exemplo, labores de desinfección ao igual que o están facendo servizos que dependen da Xunta de Galicia.
O prioritario é, destaca Castiñeira, atender ás necesidades que xera a crise sanitaria, pero di que, ao mesmo tempo, non hai que esquecer que trae aparelladas moi serias dificultades económicas e laborais, que polo de agora só se están esbozando. Por elo, entende que é preciso que a Deputación deseñe liñas de intervención a curto, medio e longo prazo para axudar a paliar as consecuencias económicas, laborais e sociais da pandemia.
“Co ánimo de colaborar da maneira máis leal e eficaz, solicitamos una reunión telemática da xunta de portavoces, coa esperanza de que o presidente da Deputación, máis aló das nosas lexítimas diferenzas políticas, así o entenda e atenda a nosa solicitude”, declarou Castiñeira.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
