Lugo, a 30 de abril de 2020. Acaba abril e a Deputación non celebrou a sesión plenaria ordinaria correspondente a este mes. No Partido Popular preocupa o desinterese do presidente da corporación provincial, o socialista José Tomé, pola convocatoria de pleno ordinario nunha situación de crise sanitaria e económica como é a provocada polo coronavirus Covid-19. O viceportavoz popular José Antonio García di que “é evidente que aínda que só fora por asuntos directamente relacionados coa pandemia, son moitas as cuestións que deberan ser abordadas pola corporación, pero tamén hai moitos outros asuntos que no poden permanecer bloqueados”. Avisa de que o PP non permanecerá calado se o goberno pretende evitar tamén o pleno de maio.
Os populares din que, a estas alturas, está sobradamente demostrado que é viable celebrar sesións plenarias telemáticas. De feito, José Antonio García lembra que a Deputación xa tivo un pleno extraordinario mediante videoconferencia. Polo tanto non son dificultades de tipo técnico as que motivan que Tomé non convoque pleno ordinario. “A propia Deputación ofrece soporte técnico aos concellos para que poidan ter sesións por vía telemática”, destaca García.
E non sendo problemas técnicos, cal é a causa, se pregunta García, de que non se convocara o pleno ordinario de abril? El mesmo se resposta: “Por un lado, a falta de interese polo exercicio da participación democrática, xa demostrado polo presidente Tomé, que son as sesións plenarias; non lle gusta ter que escoitar á oposición, o mesmo dá que sexa para criticar a súa xestión que para facer propostas para beneficio dos lucenses. Ese é o quid da cuestión: o intento de dar a menor participación posible á oposición. Esta é unha cuestión esencialmente de concepto do que é democracia e participación. E por outro lado, eu, despois do tempo que leva ao fronte da Deputación, penso que non convocou a sesión plenaria ordinaria por pura vagancia; igual non é así, e, se estou equivocado, pido desculpas”.
García di que, en todo caso, non é a falta de asuntos un argumento que se poida usar para xustificar a non convocatoria do pleno. “Ademais das cuestións habituais, dos temas de xestión que son necesarios para atender as obrigas da Deputación en circunstancias normais, están todos os que teñen que ver con esta crise sanitaria que deriva en crise económica”. José Antonio García afea a Tomé que sexa incapaz de presentar un plan de intervención directa da Deputación para a reactivación económica da provincia. E, que se saiba, tampouco ten previsto nada relevante o goberno que preside Tomé para a desescalada do confinamento en Lugo. García di: “É difícil alcanzar tal nivel de parálise e inacción nunha situación tan complicada para os lucenses tanto no terreo persoal como no laboral, empresarial, comercial, etcétera”.
García di que espera que o presidente da Deputación convoque dunha vez á xunta de portavoces, como pide insistentemente o PP, para tratar sobre as medidas que debe adoptar o organismo provincial para propiciar que Lugo supere a crise o más rápido e da mellor forma posible. E tamén para que o presidente explique se vai convocar e cando pleno ordinario en maio. “Non había xustificación para non celebrar sesión en abril e menos aínda para non convocala en maio; sería unha grave irresponsabilidade por parte do presidente, tanto desde o punto de vista democrático como por necesidade para afrontar a crise sanitaria e as súas consecuencias económicas”. Engadiu: “Xa sabemos de que pé coxea politicamente e institucionalmente o presidente Tomé, pero a este paso, haberá que pensar tamén que Pedro Sánchez deu instrucións para facer nos distintos niveis institucionais o mesmo que fan el e os seus socios no Goberno, aos que xa está claro que molestan a oposición, os medios de comunicación críticos e as redes que non aplauden a súa xestión”.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
