Burela, 2 de abril, 2020. O Pescados Rubén Burella FS viuse na obriga de tomar medidas drásticas para frear o impacto do COVID-19, coa suspensión de toda actividade deportiva. Con data do 1 de abril, a entidade laranxa recibiu a notificación de aceptación por parte da Xefatura Territorial da Consellería de Economía, Emprego e Industria sobre a solicitude de Expediente de Regulación Temporal de Emprego por causas de forza maior, tras o decreto de Estado de Alarma do pasado 14 de marzo.
O ERTE, tramitado con acordo absoluto entre @s empregad@s e a entidade debido á inexistencia de actividade, afecta á totalidade do cadro de persoal, 42 persoas, incluíndo xogadoras e xogadores de Primeira División RFEF, corpos técnicos, profesorado de base e persoal de oficina.
