Cervo, 28 de abril de 2020. O Concello de Cervo realizou un cento de entregas de material didáctico a domicilio desde o inicio da crise sanitaria.
O servizo “Imprimimos por ti” púxose en marcha, a través da delegación de Educación e en colaboración co CEIP Península da Paz, co CEIP de Cervo e con IES Marqués de Sargadelos, a comezos deste mes de abril.
Tal e como explican, constatamos un incremento da demanda importante e constante desde a primeira semana, na que chegamos a unha vintena de mozos, ata hoxe, que contabilizamos un cento de impresións que a Policía Local xa achegou a cada fogar que o solicitou.
Recordan que as familias interesadas poden contactar co equipo docente do seu centro de ensino ou directamente co Concello a través do correo dinamización@concellodecervo.com ou do teléfono 691 656 600. Este servizo está dispoñible tamén para rapaces e rapazas de ensinanzas de FP ou universitarios/as que o precise.
Ademais do material impreso que demandou o alumnado, o persoal municipal tamén achegou nestes días aos domicilios libros de texto que quedaron nos centros educativos cando se decretou o estado do alarma, e traballos propostos polo profesorado dos diferentes centros para que o alumnado realice nestes días de corentena desde a casa.
Por outra banda, en coordinación coa dirección do centros, tamén se facilitou conexión a internet e medios tecnolóxicos a aquelas familias máis vulnerables que o precisaron.
O Concello de Cervo fixo un cento de entregas de material educativo impreso ao alumnado que o solicitou
Relacionado
-
Castiñeira ve “sospeitoso que outro erro do alcalde lle permitira á empresa licitadora alegar por segunda vez a decisión da Corporación Municipal de non seguir co contrato da residencia mentres non estean claras as axudas aos usuarios”
-
Aberto o prazo de solicitude dos postos dispoñibles na Praza de Abastos de Viveiro
-
Actos do 25N en Xove
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
