Ribadeo, 13 de abril de 2020. Acisa Ribadeo amplía ata o 30 de abril o prazo de presentación de traballos ao concurso Polos nosos negocios. Unha ducia de persoas xa enviaron as súas obras. En xogo están 300 euros en vales de compra. Trátase de deseñar un cartel e un slogan que animen á xente a facer as súas compras no comercio da vila e a consumir tamén na súa hostalería.
Nas bases explícase que “o tema no que se debe inspirar o cartel é chamar á poboación para apoiar ás pequenas empresas, hoteis e servizos en Ribadeo, cando remate esta situación ocasionada polo coronavirus. Ten que insistir no positivo de mercar nas pequenas tendas e consumir na hostalería local para revitalizada despois de atravesar por unha mala situación. O slogan debe ir na mesma liña e debe ser claro, conciso e directo. E non de poderán empregar palabras que aludan á actual situación, como alerta, coronavirus, crise sanitaria, etc… deberán utilizarse palabras que inciten á compra, á positividade e á alegría”.
As bases recollen que “calquera técnica ou modalidade é válida para a confección do cartel. O formato debe ser vertical e o traballo final que se presentará debe incluír imaxe e slogan”.
Acisa establece dous premios únicos de 150 euros cada un en vales de compra. Un premio sería para o mellor cartel e o outro para o mellor slogan.
Desde a directiva de Acisa aclaran que “se considerará a posibilidade de que o slogan e a imaxe se escollan por separado entre as diferentes propostas recibidas; pero tamén se podería dar a posibilidade de que a imaxe e o slogan correspondesen a un único traballo. Neste caso o gañador recibiría 300 euros en vales de compra, porque tería presentado o mellor cartel e o mellor slogan”.
O prazo de presentación de traballos rematará o vindeiro 30 de abril. No concurso pode participar calquera persoa, de calquera idade, xa sexa neno, adolescente, adulto, empresario, empregado… Os carteis e slogans deben ser feitos e gardados por cada participante, “e terán que enviar fotografía dos mesmos por correo electrónico a info@acisaribadeo.es ou ao whatsapp 663 39 62 26. No correo debe figurar o nome e apelidos da persoa participante, o teléfono de contacto, o lugar de residencia, en caso de ser menor de idade debe presentar autorización dos pais ou titores”.
Puntuarase de forma adicional: se a obra se presenta acompañada dun texto que defina para quen se realiza, que significado ten para esa persoa o comercio e a hostalería local e por qué se mercar ou consumir nelas.
O presidente de Acisa, Francisco Iriarte, insiste en animar “ás veciñas e aos veciños de Ribadeo a sentarse, a meditar e a deseñar o seu cartel de apoio ao comercio e á hostalería locais. Agora que este confinamento nos ten á maioría na casa dediquemos un anaco do noso tempo a pensar de qué xeito poderíamos axudarlles, cómo animaríamos e potenciariamos o consumo local, nos establecementos do noso barrio, nos que temos a carón das nosas casas. Temos xa unha ducia de traballos, pero queremos recibir máis, de aí que ampliemos o prazo de presentación de traballos ata finais deste mes de abril”.
As bases do concurso Polos nosos negocios poden consultarse nas redes sociais de Acisa Ribadeo.
Vídeo de ánimo
O vídeo editado hai uns días por Acisa para animar á cidadanía e lembrar o marabilloso que é Ribadeo recibiu 26.000 visitas na páxina de facebook da asociación. Foi reproducido integramente por preto de 15.000 persoas, tivo 250 reaccións positivas e foi compartido 500 veces. Desde Acisa o seu presidente, Francisco Iriarte, subliña que “esta acollida nas redes sociais fainos ver que Ribadeo, o seu comercio, a súa hostalería e os seus servizos, seguen a ser un referente; que a xente ten moitas ganas de vir visitarnos e que o farán en canto lles sexa posible, porque agora toca quedar na casa un pouco máis. Estaremos encantados de recibilos e de seguir disfrutando da compañía dos milleiros de turistas que ano tras ano chegan a Ribadeo”.
Neste vídeo, que foi elaborado con material gráfico de eventos e lugares de Ribadeo, baixo a idea de que “xa falta pouco” a asociación empresarial ribadense destaca que cada vez queda menos para facer todo o que botamos en falta: abrazarnos, brindar, saír, pasear, festexar…
Iriarte Quintana anima “a que nos sigan elixindo para pasar as vacacións, as pontes, as fins de semana… entre todos queremos vivir Ribadeo e todo o que a nosa vila pon ao seu alcance”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
