Burela, 1 de abril de 2020. A concelleira de Servizos Sociais, Carmela López, agradece a colaboración do persoal municipal e da Policía Local para proceder ao reparto de alimentos entre as familias máis vulnerables de Burela.
A edil subliñou “a colaboración, a implicación total e o traballo en equipo que se está a desenvolver estes días de confinamento para poder chegar a todas as familias que máis o necesitan de Burela, co obxectivo de evitar que teñan que saír das súas casas”.
Carmela López contou que “continuamos co reparto de alimentos para as persoas incluídas no programa Fega, o Fondo de Axuda Europea destinado aos máis desfavorecidos. Son produtos non perecedoiros que chegan e se reparten semestralmente. E tamén recollemos froita e verdura do Banco de Alimentos de Lugo, na súa delegación para A Mariña, que está situada en Foz, para facérllelo chegar ás familias incluídas neste programa por parte do Concello e de Mulleres en Igualdade. Son un total de 80 familias as que reciben esta axuda cada 15 días”.
A concelleira de Servizos Sociais agradeceu tamén a colaboración de ABSA, “xa que doou 90 pezas de pescada do pincho, en total uns 200 quilos, para facer a súa achega a ese reparto de alimentos frescos e que así as familias poidan desfrutar dun confinamento mellor e dunha alimentación o máis completa posible. Na limpeza e empacado da pescada participaron exportadores do porto de Burela, aos que tamén lles quero agradecer o seu traballo”.
Carmela López da as grazas “á Policía Local, ao persoal municipal, aos voluntarios da delegación do Banco de Alimentos de Lugo en Foz e á asociación Mulleres en Igualdade, por este traballo en equipo que estamos a realizar neste tempo tan complicado que nos toca vivir”.
A concelleira de Servizos Sociais, Carmela López, agradece a colaboración do persoal municipal e da Policía Local para proceder ao reparto de alimentos entre as familias máis vulnerables de Burela
Relacionado
-
O Concello de Vilalba acada a colaboración da Deputación para arranxar a estrada LU-P-0106 na parroquia de Corvelle
-
Ameijide cre que os orzamentos provinciais do goberno de PSOE e BNG son os da “desigualdade” e a “insolidariedade” con tódolos concellos da provincia
-
O Parlamento aproba unha proposta socialista para reclamarlle á Xunta que aprobe axudas aos traballadores do mar afectados polas paradas biolóxicas
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
