Burela, 20 de abril de 2020. A Concellería de Medio Ambiente, por segundo ano consecutivo contratou os servizos de SERPA, empresa especializada na extinción da avespa asiática. Son os encargados de levar a cabo o trampeo profesional de raíñas velutinas no noso territorio.
A edil de Medio Ambiente, Toñi Eijo, explica que “antes de colocar as trampas foi preciso realizar un estudo térmico do territorio. Este ano, como novidade, reforzamos o trampeo nas zonas limítrofes cos concellos de Foz e Cervo, para controlar as entradas de raíñas sobrantes doutros lugares. Ditas trampas realízanse con recipientes de plástico cun líquido especial que atrae ás velutinas, e colócanse en árbores con floración, pois é onde van comer as raíñas. Nestes intres as raíñas comezan a fabricar os niños primarios, que soen instalar a baixa altura e nos noiros. Ao instalar as trampas e capturar esas raíñas evítase que o seu ciclo avance. De feito, unha vez rematada a primeira fase en Burela capturáronse 101 raíñas”.
A concelleira burelesa invita “aos veciños a realizar o trampeo nas súas fincas, xardíns ou hortas, xa que a empresa contratada para tal fin non pode acceder a fincas de titularidade privada. O ano pasado notouse moito a participación activa dos veciños e veciñas de Burela. Se alguén non sabe como facelo ou ten dúbidas ao respecto pode poñerse en contacto con nós”.
Eijo engade que “se algún veciño divisa algún niño de velutina no pobo só ten que poñerse en contacto coa oficina de Medio Ambiente do noso Concello, que pasará o aviso aos operarios de SERPA e estes procederán a retiralo en breve”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
