Viveiro, 12 de marzo, 2020. Os Camiños de Santiago forman parte sen dúbida do patrimonio cultural de Galiza, camiños de peregrinación que se iniciaban por toda Europa para chegar á Catedral de Santiago situada no Reino de Galiza. Camiños que aínda hoxe en día, séguense a utilizar aínda que con moita menos devoción relixiosa e máis como turística e deportiva.
Os trazados dos camiños fundaméntanse no recoñecemento do seu uso como rutas de peregrinación de longo percorrido que estruturan, conforman e caracterizan o territorio que atravesan. As rutas principais dos Camiños de Santiago son: o Camiño Francés; o Camiño do Norte, ruta da costa e ruta do interior, tamén coñecido como Camiño Primitivo ou de Ovedo; o Camiño Inglés; o Camiño de Fisterra e Muxía; o Camiño Portugués, interior e da costa; a Vía da Prata ou Camiño Mozárabe; e o Camiño de Inverno. Mais tamén poderán ser recoñecidas como Camiño de Santiago aquelas rutas das que se documente e xustifique convenientemente a súa historicidade como rutas de peregrinación a Santiago de Compostela e a súa influencia na formalización da estrutura do territorio polo que transcorren.
Por todo isto, dende o BNG de Viveiro solicitábamos no pasado pleno que se nos fixera entrega dunha copia da documentación relacionada co Camiño do Mar coa que conta o Concello, como tamén, formulábamos as seguintes preguntas: cales foron as accións promocionais desta ruta postas en marcha polo Concello, e qué tramitación teñen feito para o recoñecemento da Xunta de Galiza deste camiño como ruta Xacobea que pasa por Viveiro.
“Por desgraza a alcaldesa de Viveiro, María Loureiro, non fixo máis que confirmar que en 9 anos non fixeron nada pola promoción desta ruta Xacobea que atravesa Viveiro” afirma Míriam Bermúdez, e incide “e que son máis de dúas lexislaturas sin molestarse en falar coa Xunta, non sei como pretenden que os tomemos en serio como Goberno. Tampouco teñen ningún tipo de documentación nin reuniron información algunha ao respecto deste camiño, cando é o imprescindíbel tela para xustificar a historicidade do Camiño do Mar e lograr que saia aprobada esta ruta como unha alternativa máis dos Camiños de Santiago, o Concello é o organismo competente ao que lle corresponde tramitar esta documentación”.
Cade deixar claro e aclararlle ao Goberno Local do PSOE, que o “Camiño do Mar” é unha cousa, e facer o camiño polo mar é outra ben distinta, que está ben que haxa xente que o faga en barco pero non ten nada que ver coa historia nin cos trámites necesarios para declarar ruta Xacobea ao Camiño de Santiago que atravesa Viveiro”.
Dende o BNG de Viveiro rematamos de soliciarlle á Conselleria de Turismo da Xunta a información acerca dos trámites e da documentación existente, así como da necesaria para declarar ruta Xacobea ao Camiño de Mar que atravesa Viveiro. Tal e como fixemos hai un mes cando nos puxemos en contacto coa Consellería de Medio Rural, solicitando información de porque seguía a prohibición da couza da pataca en Viveiro, ante a falta de interés e información dende o Goberno de María Loureiro.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
