Medidas de prevención do Concello de Cervo ante o coronavirus

 Cervo, 12 de marzo, 2020. Ante a situación de alarma sanitaria provocada polo COVID-19 e vistas as recomendacións e instrucións difundidas polas autoridades sanitarias, o Alcalde-Presidente deste municipio, Don Alfonso Villares Bermúdez, fai saber que o Concello de Cervo establece as seguintes medidas de contención do virus:

Desde o venres, 13 de marzo (incluído), suspéndese a actividade nos seguintes ámbitos:

Escolas Deportivas Municipais

Taller de teatro municipal

Taller de memoria

Cursos da piscina municipal

Actividades culturais, sociais e deportivas previstas desde a Administración local e/ou desde as distintas asociacións

Tamén desde este venres, 13 de marzo (incluído), quedarán pechados ao público os seguintes espazos municipais:

Bibliotecas municipais

Casa do Mar

Ecomuseo de Cervo

Locais sociais das diferentes parroquias

Complexo Deportivo da Veiga

Escola Infantil Municipal: quedará pechada totalmente desde o luns, 16 de marzo. Pero mañá venres, 13 de marzo, recoméndase que as familias, na medida do posible, non fagan uso do servizo.

Piscina Municipal: o servizo quedará totalmente pechado ao público a partir do sábado, 14 de marzo (incluído).

Manteranse os servizos básicos, como Axuda no Fogar pero extremando as medidas de prevención recomendadas pola Consellería de Sanidade.

A Casa do Concello e a oficina da Casa da Cultura estarán abertas ao público no horario habitual, extremando as medidas de prevención recomendadas pola Consellería de Sanidade; pero recoméndase ás persoas usuarias que fagan as xestións de xeito telefónico (982557777) ou telemático (info@concellodecervo.com ou a través da sede electrónica).