O titular do Goberno galego, Alberto Núñez Feijóo, durante a rolda de prensa posterior á reunión semanal do Consello da Xunta. San Caetano, Santiago de Compostela, 12/03/20.
Santiago de Compostela, 22 de marzo de 2020.- O titular do Executivo galego, Alberto Núñez Feijóo, trasladou hoxe a preocupación ante a falta de material comprometida polo Goberno de España e afirmou que a Xunta seguirá traballando a través do Servizo Galego de Saúde para dotar á Comunidade do material sanitario que precisa.
Durante a reunión por videoconferencia co Executivo central e cos outros presidentes autonómicos, Feijóo transmitiu ao presidente do Goberno, Pedro Sánchez, as principais preocupacións de Galicia, compartidas pola maioría das comunidades, e que seguen aínda sen unha resposta axeitada, entre as que destacou: a necesidade de material sanitario para protexer aos profesionais, para garantir a asistencia sanitaria aos pacientes e para facer os test de recoñecemento; o coñecemento da curva epidemiolóxica, de cara á avaliación da necesidade de camas de UCI e de hospitalización; e a atención das necesidades das residencias de maiores e das residencias de discapacidade.
Sobre o primeiro punto, o titular da Xunta recordou que Galicia leva máis dunha semana advertindo de que o material sanitario que o Goberno central se comprometeu a servir non está a chegar. “No caso de Galicia, apenas chegou nada desde que se decretou o estado de alarma. E temos necesidades imperiosas de máis material sanitario de todo tipo: de protección, test, respiradores, material de UCI e material de hospitalización”, precisou, subliñando que a Comunidade se adiantou na medida das súas posibilidades, garantindo un 71% máis de camas de UCI; e estendendo o test desde o coche a todas as áreas sanitarias. “E temos o compromiso de incorporar de forma inmediata a 189 profesionais, entre médicos internos, que están finalizando xa a súa formación, e persoal de enfermaría de formación comunitaria”, confirmou.
Diante desta situación, Feijóo informou da decisión por parte da Comunidade de proseguir cos pedidos do Sergas feitos con anterioridade ao estado de alarma, precisando que, nese momento, o Sergas tiña encargados 8 millóns de mascarillas. “E tamén adquirimos 113 ventiladores para as UCI, 79 volumétricos e 34 non invasivos”, aseverou.
Por outra banda, e logo de que a Xunta solicitase ao Goberno central os datos da curva epidemiolóxica, Feijóo informou de que, ante a falta de resposta, a Administración autonómica encargou aos profesionais sanitarios e aos servizos centrais do Sergas estes datos, que permitan coñecer a semana ou as semanas de maior incidencia de contaxio, ocupación de UCI e ocupación hospitalaria.
Atención das necesidades das residencias de maiores e de atención á discapacidade
Ao longo da reunión, o presidente galego referiuse tamén á situación das residencias de maiores e das residencias de atención á discapacidade, nas que tamén falta o material comprometido polo Goberno de España.
Se ben en Galicia os profesionais destes centros teñen protocolos de actuación desde o venres 13, que se foron ampliando, Feijóo informou na xuntanza da decisión de que cada xerencia sanitaria tutelará as residencias de maiores e de atención á discapacidade da súa área territorial. “As autoridades sanitarias estarán atentas aos brotes de infección que se produzan nas residencias e tutelarán as instrucións que han de dar, a través dos médicos de atención primaria ou a través dos especialistas en medicina preventiva”, avanzou, recordando que en Galicia son máis de 20.000 os maiores que viven nestes centros.
Nesta liña, o presidente da Xunta expuxo a necesidade de que se elabore un protocolo de coordinación válido para todo o Estado entre as autoridades sanitarias e as autoridades sociais.
Feijóo aproveitou a xuntanza para, neste eido, trasladar o desacordo da Comunidade co financiamento, despois de que a contía anunciada para Galicia se reducira 8 millóns de euros, pasando de 25 a 17.
Por último, e no tocante ao paquete de medidas económicas aprobadas polo Goberno o pasado martes, o titular do Executivo autonómico sinalou que a Xunta trasladará a súa valoración por escrito, dado que non era o principal obxectivo de hoxe. Non obstante, subliñou a necesidade de “coñecer a letra pequena” do desenvolvemento das mesmas e lembrou que Galicia xa adaptou fórmulas para axudar aos autónomos e ás pemes, por un valor de 270 millóns de euros, “e que continuaremos avanzando e anticipando desde mañá luns”, adiantou.
Así, a modo de exemplo, salientou que todas aquelas empresas que teñan préstamos formalizados coa Xunta de Galicia verán aprazados os seus compromisos para a devolución das cotas de amortización e xuros correspondentes aos primeiros seis meses deste ano. “É dicir, quedarán exentas durante o primeiro semestre”, concretou.
En canto os plantexamentos ao Goberno central, Feijóo trasladoulle a necesidade de manter a actividade industrial, especialmente naqueles sectores fundamentais para a cidadanía -cadea alimentaria, enerxía, auga, etc-. Así como a solicitude de que os fondos presupostados anualmente con carácter finalista, destinados á posta en marcha de políticas activas de emprego por parte da comunidade, poidan ser obxecto de liberación en canto ao destino dos mesmos, co fin de que cada comunidade poida dispoñer deles e destinalos a medidas de carácter sanitario, económico e social.
Feijóo concluíu a súa intervención cun recordo para os que perderon a un familiar ou un amigo, e trasladando o recoñecemento a todos os que teñen que ir aos seus traballos para soster esta situación e aos que están nas súas casas cumprindo estritamente as indicacións das autoridades. “Todos estamos dando o 100% da nosa capacidade”, dixo.
Despois desta videoconferencia, na que o presidente do Goberno de España comunicou a decisión de ampliar o estado de alarma 15 días máis, Feijóo manterá esta tarde unha reunión cos representantes dos principais partidos políticos galegos, para informarlles con detalle do contido da xuntanza con Pedro Sánchez.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
