Barreiros, 19 de marzo de 2020. A revista Grandes Espacios, editada polo grupo Desnivel, adicará no vindeiro exemplar do mes de abril unha reportaxe ao concello de Barreiros, en concreto ás rutas que discorren polo seu territorio.
A alcaldesa, Ana Ermida, explica que este feito “é o resultado dos contactos que mantivemos a delegación de Barreiros en Fitur o pasado mes de xaneiro, composta por representantes municipais e da asociación de hostelería, nunha das xuntanzas de traballo que mantivemos en Madrid.”
Desde o Concello de Barreiros dirixíronse naquel entón á editorial Desnivel, que contaba con stand na Feira Internacional de Turismo para presentarlles o municipio barreirense e darlles a coñecer o potencial relacionado con actividades de natureza que posúe. “Xa naquel momento valoramos moi positivamente a receptividade da editorial e das persoas que nos atenderon e, tras manter o contacto nestes meses, o número do mes de abril albergará unha reportaxe centrada nas rutas que se poden disfrutar no noso Concello”, informan.
Ana Ermida amósase satisfeita con esta nova “xa que é a mostra de que a asistencia a Fitur, se se realiza de xeito programado e con obxectivos e traballo organizado pode dar froitos” e agradece “a boa disposición da editorial”, manifestando ademais que “a data da publicación é óptima, fóra da situación sobrevida que temos neste momento, por tratarse do número en papel que sae no mes das vacacións de Semana Santa e que despois se publicará online no mes de maio, unha vez retirada a revista dos quioscos.”
Ademais deste contacto, o municipio barreirense mantivera en Fitur outros contactos con diversos axentes turísticos para dar a coñecer a potencialidade e os servizos existentes en Barreiros, proporcionando material editado ao efecto para a cita internacional que será tamén distribuído no territorio.
Tal e como informaran desde o municipio naquel momento, as xuntanzas de traballo centráranse en potenciar os recursos existentes, como o turismo de escapada, natureza e relaxación, o Camiño de Santiago e o Camiño do Mar, turismo activo, etc.; ao tempo que se intercambiaron experiencias con territorios similares nas características e potencialidades con Barreiros.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
