A Vicepresidenta da Deputación, Maite Ferreiro anima a todas as persoas a saír a rúa este 8 de marzo, día Internacional das mulleres, para apoiar as mobilizacións do movemento feminista galego, que este ano centra as súas denuncias na precarización dos coidados, un traballo feito, maioritariamente por mulleres

Ferreiro denuncia que “a carencia duns servizos públicos que atendan as necesidades dunha sociedade envellecida obrigan a que haxa mulleres que teñan que elixir entre a súa vida laboral e a atención a esas persoas”. Baixo o Lema “Sen coidados non hai vida” están convocadas mobilizacións en Chantada, Foz, Monforte, Lugo, Sarria e Vilalba.