Viveiro, 24 de marzo, 2020. A Asociación de Comerciantes Centro Histórico de Viveiro, pon en marcha este dias a través das súas redes sociais a campaña “#Eu Apoiarei O Comercio Local” na que se sortearán 150€.
Consiste en enviar unha foto ou un vídeo no que os clientes aparezan cun cartel que conteña unha frase en apoio ó comercio local, un motivo polo que mercar no comercio local unha vez volva a abrir.
As imaxes poderanse subir directamente ás Redes Sociais que a Asociación ten no facebook.com/Centro-Comercial-Histórico-de-Viveiro, Instagram ou Twitter @viveirocentro. E tamén se poderán enviar por mail a info@viveirocentro.com ou por WhatsApp ó 650506717. O único requisito e que ten que conter o hastag #Euapoiareiocomerciolocal.
Sortearanse 50€ en vales de compra entre as fotos ou vídeos recibidos cada semana.
– 1ª semana.- Do 23 ó 29 de marzo
– 2ª semana.- Do 30 de marzo ó 5 de abril
– 3ª semana.- Do 6 ó 12 de abril
Dende a Asociación tamén se está a facer estes dias un recordatorio da campaña “30 dias 30 motivos para mercar no comercio local”, no que cada día se vai subindo ás redes un post que contén un motivo para mercar e apostar polo comercio local e así manter Viveiro vivo. Animamos á xente a que lle voten unha ollada a estas publicacións nas que poden inspirarse para crear os seus carteis e participar cada semana para gañar ata 150€.
En paralelo, tamén se animou ós propios comerciantes a que eles mesmos envíen as súas fotos/vídeos co hastag #Euquedonacasa e a continuación a frase que queiran animando ós clientes a mercar no comercio local unha vez poidan volver a abrir.
O obxectivo destas iniciativas é concienciar, agora máis que nunca, da importancia que ten o tecido comercial na vila, que como moitos outros, se viron obrigados a pechar os seus negocios e aproxímase unha época de incertidume para todos eles. Son amigos, veciños, autónomos ou pequenos empresarios que loitaban día tras día por manter os seus negocios abertos, nunha época na que se nos van horas e horas en mercar todo vía internet, sen nin sequera preguntar ou comparar co produto que vende o comerciante de debaixo da casa, perdendo o trato persoal e cercano que ofrece o comercio local. Eses comerciantes que compran rifas, publicidade nos carteis ou aportan o que economicamente poden, para colaborar cas festas da contorna, excursións dos colexios, actividades culturais, deportivas, sociais, etc. ¿Non será hora de devolverlles o apoio?
“Cando poida saír á rúa #Eu Apoiarei o Comercio Local, pero mentres #Quedonacasa”
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
