Ribadeo, 20 de febreiro de 2020. Todo está listo para a celebración da IX Gala de Acisa Ribadeo, que terá lugar mañá, venres, ás 21:30 horas no hotel Voar. Dará comezo cun photocall polo que pasarán os premiados, as autoridades e os asistentes ao evento.
A continuación, xa no comedor, terán lugar os discursos que pronunciarán o delegado territorial da Xunta en Lugo, José Manuel Balseiro; a deputada mariñana e responsable da Área de Economía, Recadación, Facenda e Especial de Contas da Deputación de Lugo, Mayra García; o alcalde de Ribadeo, Fernando Suárez; e o presidente de Acisa, Francisco Iriarte.
Despois procederase á entrega de premios do Concurso de Decoración de Nadal. Naná e La Solana foron os gañadores, que recibirán un trofeo e 100 euros en vales de compra de Acisa Ribadeo.
A Asociación de Comerciantes, Industriais, Servizos e Autónomos premiará neste 2020, no trinta e un aniversario da súa constitución, á agrupación local da AECC de Ribadeo, polo seu mérito no asociacionismo e polo seu compromiso social. Acisa quere recoñecer así “o seu traballo solidario, o que a converte nun dos colectivos con maior relevancia da vila polas actividades que realizan, pola súa capacidade de convocatoria e pola recadación para unha causa tan importante como a súa. A AECC de Ribadeo é un referente en toda a provincia”. Acisa creou neste 2020 este premio para recoñecer o traballo asociativo que se realiza en Ribadeo. A AECC será a primeira asociación en recibilo.
Na IX Gala de Acisa tamén se entregará un premio a título póstumo a Pablo Vizoso Iglesias, o que fora presidente do empresariado ribadense entre os anos 1992 e 1999. Acisa quere recoñecer a súa traxectoria como asociado e como presidente do colectivo pola grande labor realizada nos primeiros anos de creación da asociación.
Tras a entrega dos premios os asistentes compartirán experiencias, vivencias, recordos, proxectos… arredor do menú que se servirá: crema de cigalas, pescada ao pil-pil, xarrete de tenreira guisado e tarta de queixo. Estes pratos estarán regados por viños Mencía, Rioja e Albariño.
Á IX Gala de Acisa asistirán, entre outros, o presidente da FCAM, José Carlos Paleo, e representantes da vida empresarial, política e social ribadense.
Todo está listo para a celebración da IX Gala de Acisa Ribadeo este venres
Relacionado
-
Unha persoa sufriu diversas queimaduras ao tratar de prender a cheminea con alcohol en Barreiros
-
‘Unha Vela por ti’, con motivo do 25N, en colaboración con Mujeres en Igualdad de Cervo
-
Castiñeira ve “sospeitoso que outro erro do alcalde lle permitira á empresa licitadora alegar por segunda vez a decisión da Corporación Municipal de non seguir co contrato da residencia mentres non estean claras as axudas aos usuarios”
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
