O Desfile de Entroido en Ribadeo terá lugar este martes (festivo local), a partir das cinco da tarde. Nesta ocasión a saída e o remate serán na Casa do Concello

 Ribadeo, 24 de febreiro de 2029. O Desfile de Entroido de Ribadeo dará comezo o martes, 25 de febreiro (festivo local), ás 17.00 horas. Muda o lugar de saída con respecto a anos pasados pois desta vez comeza e remata na Casa do Concello.
O percorrido será o seguinte: rúas Dionisio Gamallo, Clemente Martínez Pasarón, Avda. de Asturias, José Vicente Pérez Martínez, Avda. de Galicia, Luz Pozo Garza, Virxe do Camiño, San Roque, Rodríguez Murias, Vilafranca do Bierzo e Cantón.
O xurado utilizará os seguintes criterios para valorar aos participantes no destile: orixinalidade da proposta, espírito entroideiro, coordinación dos integrantes, interpretación musical, coreografía, decoración, vestiario, maquillaxe e complementos. Criterios que terán máis ou menos peso segundo cada categoría.
En total vanse repartir máis de 4.000 euros en premios.