Lugo, a 11 de febreiro de 2020. O alcalde de Xove, Demetrio Salgueiro, é desde esta tarde o portavoz do PP na Mancomunidade da Mariña. O voceiro estrease coa defensa dunha moción de urxencia, para reclamar cambios no Estatuto para Consumidores Electrointensivos, na liña das propostas da Xunta e dos Traballadores de Alcoa, co fin de garantir o futuro da industria de San Cibrao.
O Goberno central, presidido por Pedro Sánchez, leva máis dun ano para aprobar un Estatuto para Consumidores Electrointensivos e a proposta que acaba de presentar non da solución real ao problema do prezo da enerxía eléctrica, que pode acabar por provocar o peche de Alcoa-San Cibrao. Os populares consideran que se o Goberno quere pechar a industria electrointensiva galega, con este Estatuto vai na dirección correcta, xa que comunidades como Cataluña e País Vasco saen máis favorecidas que Galicia.
Para o PP, o certo é que non se tiveron en conta as propostas galegas, como a creación da figura de consumidores hiperelectrointensivos. Pasamos de 119 posibles beneficiarias a 276 no borrador e 600 no actual (só 31 en Galicia). Polo tanto, se o Goberno quere acabar co aluminio primario en Alcoa-San Cibrao, ao igual que fixo en Alcoa-Coruña, con este Estatuto vai na dirección correcta. É unha falta de respecto institucional e unha deslealdade con Galicia que o Goberno central non convocase á Xunta á presentación da súa proposta de Estatuto.
As medidas avanzadas polo Goberno son insuficientes. Son as mesmas que levou hai 20 días á mesa de traballo na que a propia Alcoa xa lle advertiu de que eran insuficientes. O PP considera que Galicia precisa un prezo eléctrico competitivo e estable: rebaixar o prezo ata os 35-40 €/MWh para que a industria electrointensiva traballe en igualdade de condicións co resto de Europa. Os populares esixen ao Goberno que deixe de xogar cos traballadores, porque está en xogo o futuro de de 5.000 familias. Tamén está en xogo o futuro da industria enerxética en Galicia. O Índice de Produción Industrial na Enerxía caeu un -21,9% en Galicia por culpa da situación da industria electrointensiva e das térmicas. Sen o efecto da enerxía, o IPI en xeral medraría en Galicia un 1,7%.
O Partido Popular espera que o Goberno central recapacite e no período de alegacións inclúa as propostas da Xunta e dos traballadores de Alcoa-San Cibrao. Hai que recordar que n o comité de empresa destacan que as medidas propostas supoñen unha rebaixa moi pequena e isto podería determinar o peche da planta de Alcoa en San Cibrao. Os traballadores están seriamente preocupados e séntense en situación de indefensión.
Por todo elo, o portavoz popular na Mancomunidade da Mariña presenta unha moción de urxencia, para instar ao Goberno a reformar o Estatuto, con respecto ao borrador presentado, de xeito que dea resposta ás necesidades de Alcoa-San Cibrao, unha industria fundamental para A Mariña, pero tamén para toda a provincia de Lugo.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
