Foz, 28 de febreiro de 2020.- O voceiro do PP de Foz, Javier Jorge Castiñeira, subliña os máis de 4 millóns de euros que achegou o goberno galego ao municipio focense durante o ano 2019 incidindo en que “a estes hai que engadir tamén os investimentos da Xunta dirixidos ao mantemento de distintos servizos públicos de competencia autonómica cos que conta o noso municipio como son os centros de ensino e o centro de saúde”.
O popular mantivo unha reunión co delegado territorial da Xunta en Lugo, José Manuel Balseiro, para facer balance dos recursos públicos que a administración autonómica aportou a Foz durante a pasada anualidade. Castiñeira destaca “o investimento da Xunta dirixido a distintas obras de mellora”: 1,2 millóns para a mellora dos centros educativos -914.000 euros para a rehabilitación do CEIP Nº1 e 300.000 euros para a ampliación das aulas e talleres de FP do IES de Foz aos que hai que engadir outros arranxos e melloras-; ou os 591.000 euros para a mellora da estrada LU-561 entre Fazouro e San Acisclo. A estas melloras hai que engadir tamén, segundo lembra Castiñeira, a da depuradora que se atopa na súa fase de tramitación administrativa e que conta cun orzamento de 8 millóns de euros.
Castiñeira destaca, por outra banda, “os máis de 364.000 euros que a Xunta achega ao Concello con cargo ao Fondo de Cooperación Local que permiten ao goberno local acometer outras obras ou prestar aos veciños os servizos que se consideren oportunos”.
O popular subliña tamén as importantes achegas da Xunta que permiten manter o servizo de axuda no fogar sufragando o salario das persoas encargadas de atender aos seus usuarios nos seus propios fogares e que alcanzan un importe de máis de 423.000 euros.
O voceiro dos populares sinala que “Foz recibiu o ano pasado máis de 316.000 euros en materia de economía e emprego”. Trátase, na súa maioría, de axudas directas a autónomos e pequenas empresas.
Medio rural e mar
Castiñeira tamén apunta “o apoio do goberno galego ao sector primario do noso municipio”. Neste sentido, sinala os máis de 418.000 euros dirixidos, principalmente, de forma directa aos agricultores e gandeiros de Foz; ademais dos máis de 24.000 euros do Plan Marco para a mellora da camiños e dos preto de 40.000 euros para sufragar a contratación dunha brigada de loita contra incendios forestais e o traballo dunha motobomba. Ao sector do mar a Xunta achegou durante o 2019 máis de 274.000 euros dirixidos á mellora de instalacións ou a proxectos que contribuíu a financiar o GALP.
Outras achegas
A Xunta de Galicia tamén colabora con Foz achegando distintas axudas para o desenvolvemento de proxectos culturais, educativos, deportivos ou no ámbito da igualdade ou do medioambiental.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
