Lugo, 8 de febreiro de 2020. A Deputada de Promoción do Territorio e Turismo, Pilar García Porto, participou este sábado nos actos do Día da Provincia de Lugo dentro do 21º Salón Internacional de Turismo Gastronómico, Xantar 2020. García Porto presentou as potencialidades enogastronómicas da provincia de Lugo resaltando que “son un piar fundamental no desenvolvemento do sector na provincia lucense, xa que temos produtos de primeira calidade que, sen dúbida, xustifican o lema…E para comer Lugo”.
Na súa intervención, García Porto fixo referencia á cantidade de produtos que teñen a distinción de Indicación Xeográfica Protexida e Denominación de Orixe, así como a marca de raza autóctona. Elementos, segundo a Deputada, que “son síntomas da gran calidade que atesouran os nosos produtos, e arredor deles organizamos numerosas citas gastronómicas que constitúen unha motivación extraordinaria para que o turista nos escolla”.
Neste sentido, a Deputación organizou en Xantar unha demostración culinaria en directo dun menú feito con produtos propios da provincia que, unha vez rematado, se degustou de forma gratuíta entre os asistentes. “Dende a Deputación somos fieis ao noso propio produto e temos un gran interese por potenciar a nosa gastronomía como motor para o desenvolvemento turístico do territorio, fomentando a profesionalización de todos os que interveñen na cadea agroalimentaria ata que o produto chega á mesa. Por iso contamos con alumnado e profesorado da Escola de Hostalería e Turismo Belarmino Fernández de Sober, un exemplo dos grandes cociñeiros e cociñeiras que formamos na provincia”, subliñou Pilar García Porto.
Ademais da degustación deste menú, no stand da provincia dúas representantes da asociación MOEXMU de Muimenta (Cospeito) cociñaron filloas ao longo da mañá e déronlle a proba a todas aquelas persoas que se interesaron coa finalidade de promocionar a XXIX Festa da Filloa, dedicada a unha das sobremesas máis típicas da cociña galega. Esta cita celébrase o 1º de maio e no ano 2008 foi declarada de Interese Turístico Galego.
Entre outros aspectos, a titular de Turismo subliñou a idea de apostar por un turismo de experiencias porque “sabemos que vir á nosa provincia se converte nunha inmersión única, permitímoslle ao viaxeiro desfrutar dende un enforque máis consciente e sostible, podendo gozar con todos os sentidos do destino Lugo provincia e dando a posibilidade de ter un contacto directo coa nosa xente, desfrutar da gastronomía e achegarse o máximo posible á nosa natureza”.
Pola súa banda, dentro da estratexia de apostar polas innovacións tecnolóxicas na promoción do territorio, “vimos de lanzar dúas aplicacións para móbiles e precisamente, unha delas, Inventrip, permítelle ao visitante trazar o seu propio itinerario de viaxe e facilítalle ao visitante coñecer os diferentes locais de hostalería e de restauración da provincia, a través dos cales pode escoller entre un gran abano de oportunidades o lugar que máis encaixe coas súas preferencias”.
Espazo propio
A Deputación de Lugo promociona a provincia de Lugo e os seus produtos gastronómicos entre os centos de persoas que participan en Xantar, pois conta cun espazo propio durante os cinco días que dura o evento. No stand da Deputación ofréceselle ao visitante degustacións de alimentos típicos lucenses, como viño da Ribeira Sacra, embutidos de Porco Celta e galletas da Veiga. Un espazo no que tamén se oferta material divulgativo con folletos promocionais dos concellos lucenses, das Denominacións de Orixe, e tamén das tres Reservas da Biosfera da provincia.
García Porto subliñou que o obxectivo é “dar a coñecer as potencialidades dos nosos 67 concellos da provincia e tamén a calidade dos nosos Consellos Reguladores de Denominación de Orixe, dos Consellos Reguladores de Agricultura Ecolóxica, das Indicacións Xeográficas Protexidas, e tamén das Asociacións de Criadores de Razas Autóctonas, ademais da Asociación Provincial de Hostalería da Provincia”.
Para a provincia de Lugo, o Salón Internacional de Turismo Gastronómico “é un gran escaparate para dar a coñecer Lugo e os seus produtos e tamén para establecer contacto con diferentes empresas de restauración, produtores, entidades públicas e privadas, e público en xeral, coa finalidade de atraer ao maior número de persoas a coñecer a nosa provincia”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
