Cervo, 29 de xaneiro de 2020. O BNG lamenta que o orzamento municipal para 2020 veña a confirmar o que vimos dicindo desde fai tempo: o Partido Popular non ten proxecto para Cervo, e o seu único obxectivo é aferrarse ao poder cun uso claramente partidista dos recursos e ferramentas que o goberno municipal pon ao seu dispor. Os concelleiros nacionalistas Diego Fernández e Xorxe Caldeiro, anunciaron o voto en contra do BNG ás contas para 2020 no pleno do próximo xoves, xustificando esa decisión no continuísmo, na falta de iniciativa, na opacidade orzamentaria e o desmesurado gasto en propaganda e especialmente, no uso electoralista e en beneficio persoal dos recursos públicos.
Diego Fernández e Xorxe Caldeiro, explicaron que “cando o custe anual do grupo de goberno, xunto coas partidas económicas opacas e para gastos de propaganda superan a previsión de gasto en obras e investimento en servizos públicos, algo falla”. Segundo os concelleiros nacionalistas non parece normal que un goberno, cos anos que leva exercendo o PP en Cervo, sexa incapaz de prever en que van gastar mais de 200.000 euros que figuran no orzamento en diferentes capítulos coa denominación de “outros gastos diversos”, polo que ou non saben que facer, ou tratan de enganar á oposición creando un inmenso caixón de xastre para gastar arbitrariamente no que lle conveña ao Partido Popular”, criticaron
“Os salarios e as indemnizacións do grupo de goberno, e persoal de confianza, que superará os 170.000 euros ano, non son asumíbeis nun concello das dimensións e orzamento de Cervo, como tampouco o é o enorme gasto en propaganda que ano tras ano serve ao alcalde e ao seu grupo de goberno para financiar con recursos públicos as persoas e o partido”, afirmaron.
Diego Fernández e Xorxe Caldeiro afirmaron que “os 360.000 euros que aparecen no orzamento como gasto de propaganda, ou con denominacións opacas, estarían moito mellor investidos en ampliar as redes de saneamento na zona rural, ou en dinamizar economicamente o concello, que no gasto innecesario e arbitrario ao que vai dedicar o goberno do PP eses recursos”.
Os orzamentos do Concello para 2020 demostran para o BNG, que o PP non ten proxecto para dinamizar Cervo, e o seu único afán é manterse no poder mesmo usando os recursos municipais no seu beneficio
Relacionado
-
Villares destaca a regulación das coñecidas “demasías” na modificación da Lei de Confrarías de pescadores de Galicia polos seus efectos positivos na financiación dos pósitos
-
A Deputación condena na Praza de San Marcos a violencia machista nun 25N negro
-
O PP pedirá no pleno da Deputación o apoio de PSOE e BNG para o desenvolvemento da provincia no ámbito industrial e das comunicacións
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
