Celanova, 4 de xaneiro de 2020. O proxecto Basket por Libros que xurdía hai tres anos no CEIP Curros Enríquez, de Celanova, da man de Xoán Vila, segue a medrar. Deu o salto nos últimos meses ao IES Celanova Celso Emilio Ferreiro, participan en total 40 nenos e nenas de ambos centros, están implicados dez mestres e contan xa con 5 patrocinadores.
Basket por Libros naceu para promocionar o baloncesto e a lectura. O que fan os rapaces e rapazas é pagar a súa asistencia a clases de basket lendo libros. Na actualidade son 40 @s nen@s que se dan cita nesta iniciativa, agrupados en tres categorías: benxamín, alevín e infantil.
O coordinador de Basket por Libros, Xoán Vila, natural de San Miguel de Reinante, explica que “temos adestramentos todos os días da semana de luns a venres, nas nosas instalacións do colexio Curros Enríquez. Os infantís, que son os que están no IES Celanova Celso Emilio Ferreiro, leen un libro específico ao trimestre dentro do club de lectura. Estes rapaces teñen a obriga de pertencer ao devandito club do centro para participar na actividade. E o benxamíns e alevíns, os nenos e nenas do CEIP Curros Enríquez, teñen que ler un libro ao mes e despois cubrir a ficha de lectura para o noso rexistro”.
O baloncesto e a lectura tamén teñen o seu oco nun programa de radio que realizan os alevíns e infantís na emisora do colexio.
Basket por Libros conta con cinco patrocinadores ao que Xoán Vila lles agradece a aposta realizada por esta actividade. Trátase de Librería Conde, Zapatería Brincos, Pungin Sport, Joyería Muíños e Galia Fisioterapia.
Vila Oural tamén destaca a implicación de Rosa Espinosa, coordinadora do CB Allariz, na realización de adestramentos e planificación deportiva deste proxecto. Así como a participación dos mestres do Curros Enríquez: Lucía Domínguez e Iolanda Vaz, que se encargan de controlar e rexistrar as lecturas; Jorge Emilio Bóveda e Nervi Siñeiro, no programa de radio; Óscar Rodríguez, director do colexio, que fixo a xestión para habilitar o pavillón para a práctica do basket; e Fernando Martínez, que estes anos pasados estivo na dirección do obradoiro de madeira, como actividade integrante e paralela a Basket por Libros. Os profesores do IES Celanova Celso Emilio Ferreiro que están a participar no proxecto son: Teresa Devesa, que se encarga do club de lectura e do programa de radio; Irma Fernández, da biblioteca; e Adrián Fernández, que é o director do instituto e que realiza tarefas de coordinación xunto a Xoán Vila.
Precisamente Adrián Fernández relata como chegou Basket por Libros ao seu centro: “a nós chegounos este proxecto porque era unha iniciativa que xa empezou o colexio a través de Xoán Vila, entón como os seus alumnos/as veñen facer a ESO onde nós, falamos o curso pasado de darlle continuidade, pero a idea orixinal é de Xoán. Para os rapaces é algo coñecido que xa facían antes e estamos a traballar en realizar actividades conxuntas. Os nenos están encantados co tema da lectura. O único requisito que lles puxemos era participar no club de lectura. Están respondendo moi ben, están traballando coa profesora encargada e están encantados coas lecturas. Parece unha mestura rara en principio, pero casa ben.”
Fernández García sinala que “no IES estamos involucrados neste primeiro ano o profesor de educación física, a profesora encargada do club de lectura e eu como nexo de unión entre os dous. Este ano queríamos botalo a andar para que o vindeiro curso sexa máis coñecido”.
O director do IES Celanova Celso Emilio Ferreiro insiste “na colaboración que hai entre o colexio e o instituto. Queremos que os nenos vexan que a vida do instituto é algo normal, cada vez chegan antes onde nós. Esa colaboración que hai é moi importante para que os nenos non se atopen con todo novo cando chegan ao instituto. No CEIP teñen un profesor para eles, no instituto teñen un profesor para cada materia, están con alumnos de 17 e 18 anos, e para eles é un cambio. Sen embargo con este tipo de actividades xa van meténdose na dinámica e no día a día do centro”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
