O brasileiro Lucas Miguel Pereira da Silva (Catende, 1996), coñecido como Eto’o, xa está Burela á espera da documentación necesaria para formalizar a súa contratación como incorporación nesta segunda volta. O pivote destro, de 23 anos e procedente do LW Arcoverde do campeonato pernambucano, chega ao Pescados Rubén Burela FS como terceira peza na transformación laranxa, tras os alas internacionais con Uruguai, Xande, e Brasil, Pixote.
