Cervo, 22 de xaneiro, 2020. O alcalde de Cervo, Alfonso Villares, deprazouse ata Madrid, para participar no día de hoxe nas concentracións promovidas polo comité de empresa de Alcoa, diante do Ministerio de Transición Ecolóxica e do Congreso dos Deputados “como medida de presión para demandarlle ao Goberno central a aprobación dese estatuto de electrointensivas que levamos tanto tempo agardando”.
Villares apuntou que si ata o de agora o executivo de Sánchez Castejón “se escudaba na súa condición de estar en funcións -sen fundamento ningún porque neste tempo aprobaron varios decretos-; agora co Goberno formado xa non ten ningunha escusa; “ten que decidir se quere que a Mariña sexa un novo territorio da España baleira ou aportar as solucións para blindar o emprego e o benestar desta Comarca, tal e como fixeron os seus predecesores no últimos corenta anos”.
Nas mans do PSOE, Unidas Podemos, e tamén do BNG, como socio de goberno, está o futuro de toda esta bisbarra, engadiu.
A situación é realmente límite –precisou- porque os días e as semanas van pasando e ese estatuto prometido segue sen estar enriba da mesa; iso si –remarcou- “ten que ser un estatuto con garantías e que conteña esas pautas que lle permitan á nosa empresa do aluminio ser competitiva no marco europeo”.
O Goberno ten que amañar esta situación si ou si, xa non valen medias tintas, “porque a ausencia dunha solución evidenciaría unha total desidia e abandono do executivo a toda unha Comarca que quedaría nunha situación absolutamente crítica”.
O alcalde de Cervo, Alfonso Villares, deprazouse ata Madrid, para participar nas concentracións promovidas polo comité de empresa de Alcoa
Relacionado
-
O Concello de Vilalba acada a colaboración da Deputación para arranxar a estrada LU-P-0106 na parroquia de Corvelle
-
Ameijide cre que os orzamentos provinciais do goberno de PSOE e BNG son os da “desigualdade” e a “insolidariedade” con tódolos concellos da provincia
-
O Parlamento aproba unha proposta socialista para reclamarlle á Xunta que aprobe axudas aos traballadores do mar afectados polas paradas biolóxicas
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
