O proxecto do Partido Popular ribadense continúa a medrar. Así o demostra a participación dunhas 160 persoas na cea anual que os populares celebraron na noite deste venres 17 de xaneiro no Hotel Voar. Entre os convidados aos que o voceiro, Daniel Vega, amosou o seu agradecemento pola asistencia, atopábase o coordinador do PP na comarca, José Manuel Balseiro; o deputado provincial mariñán Javier Castiñeira; o senador José Manuel Barreiro e o deputado no Congreso e vicesecretario de Participación do Partido Popular, Jaime De Olano.
