Lugo, 21 de xaneiro de 2020.-A delegación territorial da Xunta en Lugo acolleu onte unha xornada informativa na que se trasladou ás entidades deportivas da provincia (clubs, sociedades anónimas e seccións deportivas) as principais liñas de apoio promovidas pola Secretaría Xeral para o Deporte.
O encontro estivo centrado especialmente nas subvencións de máis recente convocatoria como é o caso das axudas para o desenvolvemento de actividades deportivas, e tamén, nas que está previsto convocar de xeito inminente como é o caso da liña de equipamentos.
As explicacións correron a cargo do xefe provincial do servizo de Deportes, Manuel Otero Cadramón, nun acto presidido polo delegado da Xunta José Manuel Balseiro.
Subvencións á actividade deportiva
A primeira das convocatorias, xa en prazo de solicitude, tramitouse como de concorrencia non competitiva e ten por obxecto facilitar a actividade deportiva dos clubs galegos así como a súa xestión económica
Terá un importe total de 1.960.000 euros para o conxunto da comunidade, aumentando un 2,08% con respecto a 2018. O importe máximo por entidade beneficiaria será de 29.990 euros e o prazo de presentación de solicitudes remata o 10 de febreiro.
Os gastos subvencionados corresponderán ao período comprendido entre o 1 de xaneiro de 2019 e o 31 de decembro do mesmo ano, debendo terse efectuado e pagado nese período. Serán subvencionables os gastos derivados da participación en competicións de carácter oficial (licenzas, inscricións competicións, arbitraxes, adestradores, transporte e aloxamento a competicións, aluguer instalacións adestramento ou competicións, material non inventariable -balóns, roupa…-, produtos básicos de botiquín).
Como novidade cómpre salientar que dentro dos criterios a valorar puntuarase o desenvolvemento de actuacións en prol da igualdade efectiva de homes e mulleres no deporte, así como contra a violencia machista. Ademais, a adhesión ao manifesto pola igualdade pasará a ser obrigatoria.
Equipamentos deportivos
Tamén esta prevista a convocatoria inminente, para o ano 2020, das subvencións en réxime de concorrencia competitiva, para a adquisición de equipamentos deportivos.
Deste xeito a Xunta apoia os esforzos que as entidades fan a fin de contribuír na modernización e actualización de todo tipo de material deportivo necesario para o adecuado exercicio das distintas actividade incluído, de ser o caso, vehículos habilitados para o transporte deste material e das e dos deportistas.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
