Lugo, 4 de decembro de 2019. O Servizo Galego de Saúde e a empresa adxudicataria dos traballos, asinaron este luns a acta de replanteo coa que se dá inicio ás obras de reforma das fachadas, carpintería exterior e envolventes térmicas do Hospital Público da Mariña. A Xunta de Galicia investirá preto de 1,9 millóns euros nesta nova actuación no Hospital da Mariña, coa que se busca unificar esteticamente o conxunto de edificios que agora forman este centro, pero, sobre todo, mellorar e incrementar a eficiencia enerxética do mesmo. Este novo investimento súmase aos máis de 12 millóns de euros que a Xunta de Galicia está a investir na ampliación e renovación do Hospital da Mariña.
As obras, que deron comenzo esta semana, permitirán incrementar a eficiencia enerxética do hospital, ao contemplar a eliminación de pontes térmicas renovando toda fachada do edificio inicial do Hospital da Mariña e substituíndo a súa carpintería exterior e vidros. Deste xeito, non só se mellorará a eficiencia enerxética, senón tamén o illamento térmico e acústico do hospital.
A adxudicación das obras recaeu na empresa OGMIOS. As obras, cuxo importe é de preto de 1,9 millóns de euros, están cofinanciadas nun 80% polo Programa Operativo FEDER-Galicia, dentro do plan de mellora da eficiencia enerxética e de xestión intelixente da enerxía en infraestruturas públicas.
Os traballos que se están a realizar teñen como finalidade mellorar a eficiencia enerxética do Hospital da Mariña. Previamente realizouse unha auditoría enerxética do edificio principal existente para estudar as necesidades de illamento e eficiencia que precisaba. Os traballos que se van levar a cabo contribuirán, ademais, a equilibrar e a unificar esteticamente os módulos do edificio principal cos do novo edificio, froito da ampliación recentemente executada polo Sergas.
Os traballos implicarán a substitución da carpintería exterior do edificio inicial do Hospital Público da Mariña, a maioría del de dobre ventá e sen rotura de ponte térmica. Por este motivo, o Sergas substituirá toda a súa carpintería exterior, ineficiente enerxeticamente, por novas carpinterías e vidros de control solar que proporcionen mellores características de
illamento térmico e acústico ao centro hospitalario mariñano. Ademais, instalaranse vidros de control solar e baixa emisividade, coa fin de minorar as cargas de refrixeración interior do edificio, en substitución dos vidros monolíticos instalados actualmente, sen capacidade de control solar e cun baixo illamento térmico.
A reforma tamén suporá a mellora da envolvente térmica (fachadas e cubertas) do edificio inicial do Hospital da Mariña e a eliminación de pontes térmicas. Para iso, implementarase un sistema de illamento térmico exterior para a completa rehabilitación da envolvente, e instalaranse fachadas ventiladas, con placas de formigón polímero, unha solución idéntica á do edificio recentemente inaugurado polo Sergas no Hospital da Mariña, o que, ademais, de mellorar o illamento térmico do hospital, suporá unificar esteticamente o conxunto hospitalario.
As obras para a substitución da carpintería exterior metálica do edificio anterior á ampliación, así como para a instalación de fachadas ventiladas e instalación de cuberta dotada de illamento, complementan aos traballos de ampliación e renovación integral do Hospital da Mariña, das que o Sergas está a cometer xa a segunda fase. A reforma das plantas de hospitalización xa está rematada e séguese a actuar na área de consultas externas….
A ampliación do Hospital da Costa e reforma do Hospital da Mariña supuxo un investimento de máis de 12,8 millóns de euros, que permitiron incrementar a superficie do Hospital da Mariña en 6.000 m² máis, sobre os 17.600 m² existentes. Para iso construíuse un novo pavillón en forma de L con catro plantas na parte máis longa e dúas na parte máis curta, que implicou un incremento dun 30% da superficie do hospital.
Unha vez rematadas as obras de ampliación, e as melloras e reformas que están a levar a cabo no actual edificio do Hospital da Mariña, xunto coa renovación de fachadas, cubertas e carpintería exterior, que agora se están a realizar, a comarca de A Mariña contará cun hospital moderno, accesible, con novos aparellos técnicos de diagnóstico e tratamento, e cun hospital máis luminoso e eficiente enerxeticamente.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
