A Mariña, 12 de decembro, 2019. A choiva non impediu que se congregaran en Compostela miles de docentes chegados de toda Galiza para lembrarlle á Xunta que a recuperación do horario lectivo previo á crise é unha cuestión
de dereitos laborais e de mellora da calidade do ensino. Ao remate da manifestación, representantes de todas as organizacións convocantes leron un manifesto no que se incidiu na devolución das 18 horas en secundaria e fp e nas 21 en primaria, educación infantil e educación especial. A CIG-Ensino anuncia que se a administración segue sen querer negociar esta cuestión continuarán coas mobilizacións até as últimas consecuencias.
“Mollámonos polo ensino público galego”, así finalizou a súa intervención o secretario nacional da CIG-Ensino, Suso Bermello, ao remate da manifestación celebrada esta mañá en Compostela na que participou profesorado do ensino público non universitario procedente de todo o país. A choiva non foi un impedimento para que o persoal docente da Consellaría de Educación berrara hoxe ben alto que abonda de recortes e que quere recuperar os dereitos que lle foron roubados coa escusa da crise, comezando polo horario lectivo de 18 períodos máximos semanais en secundaria, fp e
ensinanzas de réximes especial e 21 en infantil, primaria e educación especial. O incremento a 25 horas neste último caso aprobado polo goberno da Xunta en 2011 e a 20 horas en secundaria, decretado por Rajoy en 2012, significou a perda duns 1.200 postos de traballo, fundamentalmente neste último corpo, e implicou un aumento do número de alumnado por aula, do número de profesorado que ten que impartir materias das que non é especialista, chegando nestes momentos ás dúas terceiras partes de todo o colectivo, e as itinerancias entre centros. Neste último caso hai que lembrar que o profesorado especialista na atención á diversidade (das
especialidades de Audición e Linguaxe e Pedagoxía Terapéutica) é o que máis ten que compartir centros.
No manifesto que se leu ao final da mobilización fronte ás dependencias de San Caetano Suso Bermello lembrou que “o profesorado galego está canso de cargar con todos os recortes e que non renuncia a recuperar ningún dos dereitos roubados, que non son privilexios como quere trasladar a administración, senón que foron conquistados a base de presión social como a que estamos dispostos a seguir facendo até negociar un calendario de restitución dos mesmos”.
A volta ás 18 e ás 21 horas servirá para que a titoría en infantil e primaria poida atender mellor o alumnado, para volver facer desdobres, mellorar a atención ao alumnado con necesidades específicas de apoio educativo, cada vez máis numeroso nas aulas, coordinarse entre os distintos
departamentos co departamento de Orientación, realizar máis actividades extraescolares e participar en proxectos de renovación pedagóxica.Trátase polo tanto de traballar en mellores condicións. O principal beneficiado desta recuperación será o alumnado e a calidade do ensino público galego, o auténtico garante da equidade social, xa que o profesorado seguirá tendo as
mesmas horas de xornada laboral semanal simplemente que distribuídas doutro xeito. No caso de secundaria sempre se impartiron 18 horas semanais até o recorte de 2012 e no caso de primaria as 21 foron froito dun acordo entre o goberno galego e os sindicatos no ano 2007 co obxectivo de reducir as diferenzas de condicións laborais entre os dous corpos.
Seguimento do 60% da folga
Segundo datos recabados polos sindicatos con chamadas directas aos centros educativos desde primeira hora da mañá, o profesorado secundou maioritariamente esta folga cun seguimento que rolda o 60% e nalgúns casos con todo o claustro ausente.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
