O Concello de Viveiro, entre outros concellos, tal e como se acordou na reunión co comité de empresa celebrada o pasado xoves, co fin de continuar coas reclamacións das medidas que garantan o emprego desta factoría, pon a disposición dos veciños e veciñas de Viveiro autobuses gratuítos para acudir á concentración que terá lugar en Lugo, o sábado 14 de decembro, ás 12:00 horas, con saída dende a estación de autobuses ás 9:30 horas. As persoas interesadas en facer uso deste servizo deben anotarse no número de teléfono 982560128.
