O Centro Comercial Aberto de Burela volve a preparar este sábado a súa actividade dos inocentes con centos de euros en vales de compra para o día 28 coincidindo cos Santos Inocentes.

Este día, como ven sendo tradicional, é a xornada das bromas e na que tradicionalmente se lle colga a alguén un monigote de papel nas costas e, cando se decata disto, a xente ao redor cántalle: “inocente, inocente”.
Para festexar e potenciar este día tradicional, os establecmentos asociados a CCA Burela repartirán 1.000 sobres este día. Algúns terán premios en vales de compra e outros simplemente o monigote de papel, e se non toca o premio sempre o poderás poñer nas costas de alguén porque, tamén coas bromas estamos medrando xuntos.