Cervo, 26 de Dedembro de 2019. A terceira edición do Callo Fest encherá de música a vila de San Cibrao o venres, 27 de decembro.
O festival, que terá lugar nunha carpa instalada na Praza dos Campos e con entrada libre, foi presentado polo rexedor, Alfonso Villares, concelleiros, e por varios dos membros da Asociación Amigos Da Troula, organizadora do festival, coa colaboración do Concello de Cervo.
A cita vense celebrando o último venres do ano desde 2017 co fin de despedilo a ritmo de rock.
Os concertos comezarán ás 20:30 horas na carpa instalada na Praza dos Campos de San Cibrao e rematarán ben entrada a noite co reparto de callos de balde para todos os alí presentes.
O cartaz este ano está formado por Blow, unha banda que destaca pola súa versatilidade, pois fai versións de diferentes estilos, e conta con unha potente voz feminina; o grupo mariñán Joni Ramos & Sunday Morning Club que tocará temas propios e versións a ritmo de funk; os vigueses Stoned at Pompeii cunha traxectoria internacional e en festivais de gran calado como o Resurrection Fest; e os Green Hot Peppers, un dos mellores tributos a Red Hot Chili Peppers na actualidade. Ao remate dos concertos Eventec poñerá os mellores éxitos de rock, rock alternativo e punk rock.
Como cada ano, ás 0:00h farase un ensaio das badaladas de fin de ano para darlle a benvida ao 2020. Un invitado sorpresa de luxo conducirá a todos os presentes a un novo ano cun chisco de antelación.
Os organizadores recordan que haberá un posto de comida na carpa no que se poderán comprar porcións de pizza durante o evento. En caso de querer pizzas enteiras poderán reservarse a través do número de teléfono 638.025.026.
Tal e como apuntou Villares “o Callo Fest é un evento que suma dinamismo á oferta de actividades do Concello durante todo o ano e trátase xa dunha cita consolidada na comarca”. Para nós –engadiu- tamén é motivo de satisfacción ver a tanta xente nova do noso municipio involucrada na organización deste festival que medra ano tras ano”.
O concello de Cervo e a asociación Amigos da Troula convidan a veciños e visitantes a asistir ao festival o venres 27 de Decembro na Praza dos Campos de San Cibrao.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
